【魚樂無窮】炒廚師腸悟出大道理（唐牛）
網上見到一包十條廚師腸，原價十零蚊，網上炒賣價驚見兩舊水，同一道理，炒股票只要一個消息，也可以炒到飛天。近期最佳例子，莫過於藍鼎（582）及華融系。更多
先旨聲明，由細到大都愛食廚師腸，見過嘅烹調手法係蒸、烚、燒、炸、煎，甚少見到有人炒。不過，
最近廚師腸美國生產商Zacky Farms遞交破產申請保護令，廚師腸隨時從此消失於世上，作為炒賣之都的香港，當然即時有反應，網上見到一包十條廚師腸，原價十零蚊，網上炒賣價驚見兩舊水，比原價高出十倍有多，有冇成交唔知，但足見一個催化劑，玻璃也可以變鑽石。
同一道理，炒股票只要一個消息，也可以炒到飛天。近期最佳例子，莫過於藍鼎（582）及華融系，其中華融投資（2277）單日倍升更是誇張。乜事咁大反應？其實只係華融系高層大換班，同埋藍鼎搵番主席仰智慧，市場憧憬洗倉潮告一段落而已。簡單而言，芒實市場消息，耳聽八方，再加少少想像力，就係玩細價股必做的事情。唔一定包贏，但你唔做就輸咗九成。
講番大市，未計今日，港股11月埋單有逾千點升幅，可謂超額完成。回想上個月個個見到股票都話有毒，今個月就爭住買，一切都係氣氛使然。12月又如何？只要G20峰會沒有太大驚嚇，相信都可以嚟個粉飾櫥窗，話曬儲局最新都放咗鴿，睇好嘅不妨等回番去26000點左右博一博。
P.S. 下周外遊關係，魚樂無窮專欄將暫停一期。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com