中環在線 - 李華華 2018年12月20日
中環在線：施永青鋪路接班 仔女任高層 - 李華華
施永青兒子施俊嶸（左）將任中原集團副主席、千金施慧勤（右）則將擔任利嘉閣地產與中原集團子公司主席。 適中字型 較大字型
2019年將至，中原集團創辦人之一施永青亦為交捧作好準備。中原噚日宣佈，董事會通過委任施永青兒子施俊嶸為中原集團副主席；同時，施永青位千金施慧勤，將擔任利嘉閣地產與中原集團子公司主席，下月1日起生效。
施俊嶸加入中原大約三年，之前負責過數據科技呢方面，舊年底已經兼任主席助理，70歲嘅施永青都成日話要逐步減低自己喺公司嘅角色，等同事唔使搵佢都得。
至於佢二女施慧勤，2015年結婚，放假一年後返中原幫手，明年負責喺利嘉閣擔大旗。照咁睇，施永青一對仔女分工清晰，施老闆似乎真係鋪好條路畀仔女接班。
施老闆之前有提過，問過集團另一創辦人王文彥會唔會派代表入公司，有嘅話亦會安排，但暫時就無此打算咁話。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com