【魚樂無窮】兩個字形容投資心情（唐牛）
很多國家諸如中國、日本，每年均會選出一個字或詞語，以反映該年大家最關心的事情。如果要大家選一個詞語，去形容今年的港股，相信離不開特朗普、中美貿易戰、習近平、加息等等，無一不令股市出現劇烈波動，更何況集體出擊。
如果要形容對股市的心情呢？本來想揀
心淡，但年尾流流又唔想太悲觀，事關心情好壞絕對影響操盤表現，中性一點揀麻木。麻木不存在褒義，也不帶貶義，只是對某些事情冇感覺。好似特朗普咁，突然要向中國加徵關稅，突然又話同習近平係好朋友；鬧儲局主席鮑威爾唔應該加息，但白宮經濟顧問又話佢嘅職位百分百安全。每句說話互相都有矛盾，究竟邊句先係真？我會演繹為講那一刻，那一句就係真，之後就冇人會再保證任何東西。
所以，面對前所未見的飄忽市，我只能夠選擇麻木，默默尋找生存空間（暫時只搵到績優股加高息股），希望風雨過後能夠維持實力，重新上路。港股2018年差不多由頭跌到尾，但時間卻過得比想像中快，充份體現香港人刻苦耐勞、永不言敗的精神，大家繼續揸緊信念，迎接能見度極低的2019年吧！
唐牛fb專頁：http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com