會師中環 - 神仙丁 2019年1月4日
會師中環：會計師最憎新年 - 神仙丁
新年是會計師「忙季」的開始，年尾「埋數」做報表永遠係最辛苦。資料圖片 適中字型 較大字型
新年伊始，恭祝各讀者身體健康，輕輕鬆鬆賺大錢。不過，一講到新年，相信各會計師都未必笑得出，因為新年往往代表「忙季」的開始，事關大部份公司都是以十二月三十一日作年結，年尾「埋數」做報表永遠係最辛苦，尤其是上市公司，年報內有大量披露，又要趕及三月死線前公佈業績，結果很多會計師都要工作至深夜才能趕得切完成工作。可憐眾會計師咁辛苦製作出成吋厚的年報，但大部份投資者都係唔多睇，即使寄到府上很多時都係直接跌落垃圾桶。所以來年希望各讀者能多點閱讀財報，不但對自己投資有益，亦叫會計師的心血不至於白白浪費。
除了「埋數」之外，會計師討厭新年還有其他原因。其中一個是因為會有新的會計準則被採用，例如今年就有《國際會計準則9》和《國際會計準則15》。這些新準則為會計師添加大量額外工作，一來會計師都未能完全掌握新準則內容；二來年報披露很多時都係左抄右抄，但新準則冇得抄，會計師要花更多時間才能完成工作。另外，如果閣下在會計師樓進行核數工作，還得要應付公司內部新一年額外的審計程序和標準，唔好彩的話更要面對人手減少，結果又是工作量上升，越來越遲收工。
希望各會計師能夠盡快「捱」過忙季，然後開心迎接真正的新一年！
神仙丁
《審計搵丁》負責人
http://facebook.com/AuditSlave/
會師中環 - 神仙丁 舊文
來源 source: http://hk.finance.appledaily.com