智取大市 - 晉佳 2019年4月17日
馬上成為壹會員
會員註冊/登入
智取大市：龍尾股出沒忌高追 - 晉佳
港股市場資金轉捧落後股，連龍尾股同國壽（2628）都轉強，令人抹把汗。 資料圖片 適中字型 較大字型
港股一連5日市寬一般，昨日單日升319點，升股都只係略多於跌股。資金轉捧落後股，炒到教育股，連龍尾內銀股同國壽（2628）都轉強，見到當然抹把汗，希望後市整固暫時以上落市進行。
今年首季鈷價再跌，洛鉬（3993）業績會較難睇。LME鈷庫存3月達到高峯，4月初有下跌跡象，係行業見到轉機？
電動車補貼政策使命接近完結，反而車企甚至恒大（3333）呢類企業加入戰團。華為同東風合作開發5G自動駕駛汽車亮相於車展，整個浪潮喺中國發展係咪快過預期？雖說自動駕駛有排未投入市面，但預早發展出成熟電動車技術點都係必經階段。同一時間，隨住經濟回穩，手機設備需求亦會上升。鈷庫存開始跌，或許係一個開始。
洛鉬舊年多賺70%至46億人仔，經營現金流高達94億人仔，可見鈷價上升蜜月期，洛鉬可以非常好景。鈷未來將佔洛鉬收入一大半，鈷價大跌後，估計今年首季價格較舊年全年低大約四成，盈利勢大跌。單炒經濟回穩再加鈷需求憧憬，洛鉬都會有想像空間，至少比銅鋁鋼股更有希望。周期股等撈貨不用急，近期股價調整，見回穩跡象再考慮。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com