士佳說 - 張士佳 2021年8月6日
【#士佳說 】張士佳：監管到麻木
【#士佳說 】張士佳：監管到麻木
監管風暴一浪接一浪，所以近期股市不易做，很容易唔覺意就踩中地雷，又出了一堆行業被監管，涉及到電子煙、化肥、煤炭、玻璃、增高針、奶粉，白酒等等，好彩愈監管得多，大家愈習慣，就好似尋日我講嗰隻中化肥，真係如言做低開嘅陽燭，收市仲要上升，無中招，今日輪到奶類，希望拉低蒙牛上車。
前兩日本來#700騰訊還想繼續反彈，但一個遊戲業不能享有過去軟件產業稅收優惠，應聲再被拉回急挫4%，並拖住指數下跌。而進一步監管打擊電子煙加向未成年人銷的力度及化肥格價的抬高，龍頭#6969思摩爾國際倒是跌得不太多，可能是因爲之前已經跌得夠深；上述嘅#297中化化肥反應不太大還逆市上升，跌下來反而是機會，因公司業績很給力，各大行報告預期盈利將有35%至55%的升幅。
只有國策重中之重的新能源汽車、光伏、電力新能源，券商等暫時未中監管受監管風險較小。只能集中幾個板塊揀股做功課，電動汽車標誌#1211比亞迪7月新能源汽車銷量同比年增長170%。昨日股價小回，看今日能否借亮麗銷售數據而更上層樓。#175都一樣破頂可加。
拜登將簽署行政命令，要求2030年在美國銷售的新車有一半要達到零排放標準，刺激了光伏板塊方面，龍頭福萊特玻璃#6865昨天亦破頂，而一些較細的能源發電企業市場都有關注，如清潔能源發電設備的東方電氣#1072似走出了上升趨勢，但係我冇特別留意。
協合新能源#182升在15% 上半年純利同比增6%，其實集團獨資持有41間併網發電的風電及光伏電廠，回一回在升破頂就炒一炒。#3996中國能源建設升超5% 有最新燃氣蒸汽聯合循環電站發展項目等，先前幅圖假假地，但係似乎係細注揸長博大霧之選。
另外，蘋果公司爲新款iPhone尋找更多中國供應商。#710京東方精電在本季度獲得蘋果的批准，最快將在下個季度開始爲iPhone 13系列提供OLED顯示屏。消息一出炒了一下上去，但先前升太多，等做返個阻力再突破先至諗啦。
阿爺整頓社會政策，原意都係要好好培育下一代。不過市場最驚的是政策一聲令下，就好似補習社般，整個行業消失。各行各業可以說是人人自危，憂慮會成為下一個被針對目標。市場資金越來越敏感，有咩風吹草動都避之則吉。所以現在都是考驗揀股及跟進功課嘅時候，另外，內地似乎變種疫情有擴散跡象，連中國南京也出現社區爆發，集中幾個板塊揀股炒股之餘都不能掉以輕心，摸住石頭過河。
士佳說 - 張士佳 舊文
本文作轉載及備份之用 來源 source: http://skycheung.weebly.com