士佳說 - 張士佳 2022年3月11日
【#士佳說 】張士佳：統計有用
【#士佳說 】張士佳：統計有用
昨日未開市前，正常投資者都知必定裂口高開，我初部估大市上到21200左右遇阻力，由於知道上面蟹貨重重，都紥行晒馬沽出，誰知09:10收到学生們猜大眾的report（每期都做的大型統計），79.9%睇陽，唔駛諗過度樂觀了，21000樓上要打醒12分精神，事實上，個市升緊之時，我都揾唔到入貨訊號，已經感到蹺蹊，通知埋学生除了1108，搵唔到靚股買，結果大市果真只做樣抽升，10:40左右抽高到21088，其後徘徊了一會，不知就裏的很易錯判為貯力再上，遂於11:07左右提水学生睇79.9%report，該report鮮有到75%以上，79.9%實在太extreme...我將底位買的期權平倉，並於21044加沽，有幸捉到個頂，可惜到下午三百幾點就食左，晚上夜期的大散，則無福消售，但無買兼沽，又貯些子彈了。
上月，我系Sun Channel 節目都有講，要注意美國會借俄國盟友關係對中國做制衡對象，昨日更特別再三提醒，小心多外資參與的個股，話口未完，咋晚中概股即被開刀，SEC官網公布了5家中概股公司的名單，要交報告，提供唔到嘅有權把其除牌。話就話五間一定陸續有嚟，delist陰影會揮之不去，所以預早同大家講大家不可不防。
阿里既表現指數應該低開，又要再試下20300嘅支持力，同其他中概一樣，必定大低開，但尋晚下半晚都無跌，隨時先彈一彈。中概股成為美國針對目標，中概股回流香港上市需求會大左，尼兩年就有超過150間排緊隊，今日睇下港交所#388有冇得先跌後彈下。
債息相反1.9里，藍籌金融股彈得最勁有友邦#1299（後來出咗業績）同滙控#005仍然撐一撐個市，會留意一下匯豐支持信號，皆因美國通脹咁勁，CPI去到7.9市場吹加息0.25厘唔夠，有迫切會再加多啲。
尋日我講阿爺國策底下既光伏股表現搶鏡，開市揀中洛陽玻璃#1108及福萊特#6865，前者放長啲後者就即日食個下午茶，光伏行業首兩月光伏玻璃訂單充足，仲頂得住指數下午跌幅。捉中綠電短線有升咗幾日，走下上落減低成本，尋日有食d中國電力#2380、華電#902，龍源電力#916等，長線手上仲有嗰啲就唔理住。中期嚟睇，光伏新能源等只會加快步伐，對多晶硅的需求大增，保利協鑫能源#3800如果再有靚仔陽
燭突破到之前阻力又可以留意。
仲有要跟下隻#1866心連心化肥, 之前有買落，睇好今年農產品短缺對化肥化工類需求渴求，圖表冇乜受大跌市影響，有點期待，如果夠叻仔能夠逆市突破倒前頂，會唔會成為下一隻#1735？
士佳說 - 張士佳 舊文
本文作轉載及備份之用 來源 source: http://skycheung.weebly.com