士佳說 - 張士佳 2022年4月19日
【#士佳說 】張士佳：各有能見度
【#士佳說 】張士佳：各有能見度
假期內會減存準已是講到明的市場共識，所以假期最後一天我同大家話會上試215xx，果日有得213xx大家買，即市來講，係市場厚待。
不過，另一方面，以放水效果來講，通常突如其來才見效。打開口牌，都知效果一般，除非幅度驚人，但今次降準共釋只放長期資金約5300億元人民幣，跟預期吾見一截，又不減息，所以夜期表現算係咁架啦。事實上，美國經濟回暖，央行聯儲局收水加息加快之際，中國的貨幣政策亦不能放得太鬆，否則會令滙價有壓力，通脹亦會隨之上升，故中國息口好難再落得多，一方面疫情之下要救市，另一方面，通脹猛於虎，仲有個盟友要顧，形勢非常嚴竣，滯脹之聲不絕於耳，又滯又脹，似乎要放一邊救一邊，一念天堂，全繄政策，純以大市而言，能見度極低，所以我上次做算節目叫大市要等，等第二次突破低風險有數得計時，先至出手是也。然而，股票的能見度相對就高好多，睇住手上持股，同埋板塊的lego，優劣立見，先前同大家講的幾個板塊，大都跑出，仲跑贏幾條街。
先講話左語得的，除了作長線的#3690，有睇我文都知我近日不愛科技股，始終欠缺人氣，市傳螞蟻集團再被查，阿里巴巴#9988未有起色仲要跌3%，弱過大市並壓住指數。逃離上海灘72小時主角，阿里副總裁賈揚清，高調地描述如何排除萬難從封城的上海跑到美國，字裏行間暗喻上海如“人間地獄”有點誇，更令阿里形象大插水，事實上我仔當時在上海，封控之下不便之處當然有，但與其形容相去甚遠。睇番圖，9988大半年內幾時征服過蕉皮，真係逢蕉皮后一跌就沽，就真係鋪鋪中。另外，遊戲版号重新出台，騰訊#700都升唔起收陰燭，暫時科技股似不成氣候。
圖﹕阿里巴巴 #9988
我另一重點板槐係內房，買入了的中國海外發展#688再創一年高，但係出了減息預期唔高，唔多唔少會有影響，開市走半先，反而買入一些稍二線的像華南城貪佢未點升，估計今日回一回早遲都要升，始終內房先前咁多壞消息，目前最緊要穩住；物管股反而可能會接力內房，慢慢地變成另一穩守股，＃2669日後似機會再做好啲。
內房睇啱，反而內銀就唔知自己有冇可能睇錯，諗住放水買內銀，點知突然來個招行田行長被抓，招行我本身都中意，但只見佢係各大行中，近呢個月炒放水之下，招行一直冇買入信號，亦諗唔到點解，所以節目叫等下次大市突破先買，點知昨日真相大白，解析點解會無飛机質變，你睇下圖八大內銀就自然心領神會，3328交行，998信行，1658郵行兩隻飛机質變，所以表現最好，唯獨3968招行無出飛机，又係250天線以下，原來春江暖鴨早知。
左圖﹕交通銀行 #3328 ， 右圖﹕中信銀行 #998
左圖﹕郵儲銀行 #1658 ， 右圖﹕招商銀行 #3968
左圖﹕中國銀行#3988 ， 右圖﹕建設銀行#939
左圖﹕農業銀行#1288 ， 右圖﹕工商銀行#1398
另一板塊消費股，當中就有些脫穎而出，#330思捷環球，當日講都冇人信就算信都係細細注，結果一枝獨秀，由初次講到而家升咗七成，假期前終於食咗大半，波幅漸大，不敢造次；（講開大波幅，一定要提返隻海隆，幾日前0.6食咗一半，剩低一半諗住睇長D，點知連試兩次六毫二，升唔穿跌返落0.48，即刻通告學生我走了，第二注得個吉）；仲有隻海洋公園#2255一段日子，沒有今人失望，2021年收入已大幅減虧，未來上海項目打造上海公園二期升級，海昌海洋公園系疫情仍然嚴峻下升15%，再有動力破頂，相信疫後會好快恢復人頭湧湧出遊，行業獨特，其企業價值看高一線。
内需股炒起，主要是港口航運、景點旅游趨勢做得最靚。疫情多點頻發，部分外貿物流運輸受阻，長三角、珠三角等海運地區供應鏈不暢。太平洋航運#2343的輕便型乾散貨運船非常受歡迎，第一季收入增長倍幾。疫情戰火無疑加重了航運的緊張格局，缺船缺箱下，中遠海能#1138同樣都是勢不可擋。
煤炭預計第二季產量會逐步增加，加上有俄羅斯供應，煤炭供需冇咁緊張，格價自然會穩定下來。大部分煤企第一季度業績增長非常好，但下一季會難啲因基數太高，不過打仗通脹未停，煤炭股已進入放煙花階段, 先前提過#639首鋼資源，做開採煤炭既岩岩先陽燭破頂，會放遠啲睇，＃1088亦都揸多一陣。
烏克蘭是歐洲最大的鐵礦石供應國之一，據資料，因戰烏克蘭的鐵礦石產量已減少了一半以上。烏國最大鋼鐵製造商Metinvest誓言，絕不在俄羅斯佔領下營運，由於Mariupol被俄軍拿下，烏國超過三分之一的冶金產能目前已經停工。即係話全球冶金礦有色金屬會迎來短缺，見近日#1208五礦資源、#1258有色金屬有資金追捧，我在等多支靚仔大陽燭的買入訊號，礦業鋁銅等很可能會是接力資源板塊創另一個升浪。
至於油，回A股上市的中海油#883，由於定價唔高，AH股差價唔夠吸引之下，前高位有阻力，不過回一回買，值博率較大，都係美股Oxy 較跟油價比較好炒，仲係整固中，率先破頂果隻會先考慮。
面對國際關係格局的變化，不單止俄烏在激戰，中國經濟也在風口浪尖時刻，現在只能操作自己能理解，再配合系統訊號的大趨勢股票，近日的＃330，#546，#975，#1866，#2255升到似牛市，當中有坐有食，充份展現less is more，至於，買左未點表現的#327百富環球，#297中化化肥，＃9979綠城管理及陽破＄8.99會買的#267中信股份，希望有番些表現。現在少量出擊，並等待下一個低位出現，應該吾會好耐了。當呈現二次突破之時，到時資產價格或會來一個逆轉，要認清方向，才會放手去博較遠的路程。
士佳說 - 張士佳 舊文
本文作轉載及備份之用 來源 source: http://skycheung.weebly.com