港元定存息動輒四厘幾五厘，美元更逼近六厘，瞓住覺都有可觀回報，真心要感恩。
港股繼續固本培元，股民們齊齊屏息靜氣，靜待一個發圍機會，好彩同一時間息口高企，港元定存息動輒四厘幾五厘，美元更逼近六厘，瞓住覺都有可觀回報，真心要感恩，香港真係一塊福地。
美股外幣即時報價 多國新聞任睇
近期
手頭有多筆定存到期，作為定存KOL，當然不遺餘力周圍搵著數畀大家，皇天不負有心人，真係畀我搵到逼近美元息水平嘅港元定存，有在本欄facebook留言嘅，應該都有得著。經歷完今次大搜查，我好肯定咁同大家講，如果想要高息定存，一定要親身落分行問！
落分行唔同喎，你對住經理講多兩句，互相關懷一番，人與人之間的友誼便會因此建立，息口有權動態地上揚。
落足嘴頭求高息
無他，你在網上銀行搞，電腦係死嘅，息口唔會因為你大力啲打個keyboard而提升；落分行唔同喎，你對住經理講多兩句，互相關懷一番，人與人之間的友誼便會因此建立，息口有權動態地上揚。不過，你想拎多啲著數嘅同時，又要掉換位置，諗下點樣可以幫到對方跑數，從而達至雙贏；好喇，就算你口技不精，息口最多維持不變，唔會因此下調，所以橫睇掂睇，都係親自出馬最好。
當然，每個人嘅時間成本唔同，你秒秒鐘幾十萬上落，實在唔需要為咗多0.1個百分點搞咁多嘢，合埋眼撳掣就算。最後，希望大家有最新定存筍嘢，都可以message我（已經有戰友咁做），始終一個人的力量有限，集思廣益才是王道！
唐牛
FB
IG
YouTube
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com