陸羽仁 BLOG 2012年6月22日
減壓
2012/6/22 9:29:46
網誌分類: 經濟
美國聯儲局無出QE3(第三輪量化寬鬆)的惡果浮現，風險資產下插，紐約原油大跌4%至78.2美，金銀銅齊插，黃金每安士跌穿1600美元至1565美元。股市仲有運行？美股昨日勁插，杜指大跌超過250點，標普500指數跌超過2%，係今年第二大的單日跌幅。
美國昨日公布的經濟數據本來已經濟唔靚仔，6月費城聯儲製造業指數從5月份的負5.8急降至負16.6，負到咁多，可以稱之為急跌；5月二手房銷售數字則下降1.5%至455萬幢。最近一周的首次申領失業救濟金人數38.3較上周減少2000人，但四周滾動平均值卻上升至38.6萬人，係去年12月初以來最高水平。經濟數據中的唯一亮點係5月領先經濟指標指數較上月升0.3%，好於市場預期。
高盛驚你唔死，送美股一程，話「股市近期面對一個增長惡化的前景」，建議調低標普500指數的目標至1285點，即係比現在還有5%跌幅。交易員話好多人睇住高盛建議?薊ㄐA佢咁講推低了大市。我就話聯儲局主席伯南克話要睇多??洃~決定搞唔搞QE3，高盛就搞多??洐琝A睇，推低大市走一程，等更多人支持QE3，為聯儲局減減壓。由此引伸，美股短線都要睇淡?囓?C
中國經濟數據唔好，都有助推低商品，匯豐銀行昨日公布的中國6月採購經理指數(PMI)初值48.1，低至7個月新低，並且係連續第8個月處在榮枯分水嶺下方，更嚇人的是新出口訂單降至45.9，係超過三年低位。歐元區的6月採購經理人指數初值繼續徘徊在約三年以來跌點。
歐債問題繼續困擾市場，2月時評級機構穆迪投資宣布會評估17家國際投資銀行。5月及6月時先後調降意大利、西班牙、德國及奧大利共28家銀行；昨日，穆迪發出這次「評估之旅」報告，下調包括美銀、大摩、高盛、瑞信、匯豐、法興等15家大行評級，基本上歐美差唔多所有「有頭有臉」的金融機構，都榜上有名。
雪上加霜，金融股跌到七個一皮，美銀跌3.9%，摩根大通跌2.6%，匯控在倫敦跌2.5%，美國預托證券亦較香港收低1.5%至67.2元。
全球環境咁惡劣，歐債危機風暴中心的西班牙反而唔係咁差喎。西班牙股市相對德、法、英國股市企得硬淨，只係微跌0.3%。西班牙政府最近聘用了兩家顧問公司對該國銀行業進行「壓力測試」，睇睇要撥幾多資金救援銀行業。結果顯示，西班牙銀行業需最多620億歐元就可以經受住最壞的假想經濟情境。即係話，歐盟提供的1000億歐元已經足夠撲火。事實上，過去三天西班牙的借款成本一直在下降，反映投資者對歐洲援助基金的債券購買可緩和意大利、西班牙借款成本壓力抱有希望。
環球股市要渡過聯儲局會議減壓症，要調整一段尋?底先，順勢短炒好難造好，長線投資要等低?齯~出手。
陸羽仁
回應(0) 我想回應
陸羽仁 BLOG 舊文