中環在線：恒生箱戶無家可歸 - 李華華
恒生Cut保險箱客仔心傷
中環舖租狂升，就連銀行客戶都受影響，?恒生銀行(011)中建大廈分行租?保險箱?客戶，最近就忙住撲箱，事關呢間分行年底搬去陸佑行，新分行冇保險箱服務。恒生莊士敦道分行準備翻新，年底亦會咳保險箱，客戶準備撲箱吧！
舖租貴唔做保險箱
銀行保險箱一向供不應求，尤其係大箱，好多人將屋契、大件?金銀珠寶放?保險箱，冇個大箱真係裝唔落。另一邊廂，銀行咁貴租間分行，一個箱每年租金平均只係千幾蚊，冇理由用好大地方做保險箱服務，加上保安理由，唔係間間分行都?做，所以供應長期緊張。
恒生中建大廈分行一班保險箱客戶8月開始收到通知，話呢間分行將於12月搬過去陸佑行，陸佑行得4000呎，冇地方做保險箱。恒生已經盡力協助客戶租用其他分行?保險箱，中環總行、銅鑼灣、灣仔分行都有吉箱，但主要係細箱，搞到租開大箱?客戶除?撲箱，仲要諗計安全地搬走一大堆貴重財物，真係頭都痕！
恒生租用中建大廈個舖逾10年，租約年底到期，預?業主狂加租，今年初開始四出搵舖，搵到去陸佑行地庫呎租都要113蚊，就知租舖幾艱難。
恒生莊士敦道分行12月都會咳保險箱服務，事關恒生莊士敦道大廈將會同隔籬龍門大酒樓舖址合併發展，重建後，恒生用地舖同一、二樓，雖然到時有過萬呎樓面，但恒生打算咳?家?保險箱服務，「箱戶」要撲箱啦！
李華華
mailto:LiWaWa@AppleDaily.com
上一則: 國策透視：樓市謝了，太監來了 - 郭小民
下一則: 中環在線：立會新丁搏命陳家強難hea - 李華華
中環在線 - 李華華 舊文