中環在線：大孖沙效應投行亂咁用心急嚇走超人 - 李華華
■李嘉誠
首富李嘉誠個名真係唔可以隨便?來用！主要做iPad配件?榮陽實業(2078)近日招股，前日市場放風話超人落飛，呢招「大孖沙效應」06、07年新股旺市時好有宣傳效用，散戶好多時跟住買，正當大家以為榮陽有料到時，超人噚日晨早高調否認。睇來以後新股再用呢招，要問准對方先得喇。
搶先開名最終得個桔
早幾年新股旺市時，好興玩「大孖沙效應」，超人、恒地(012)主席李兆基、新世界發展(017)創辦人鄭裕彤基本上係「膽」，但近年新股冇肉食，大孖沙亦冇乜興趣高調落飛。睇資料，超人對上一次高調認購新股已經係2011年3月上市?中國宏橋(1378)。
超人對榮陽有冇興趣，佢本人先知。聽聞，確實有投行賓架搵過超人?得力助手傾過，希望佢認購些少，亦傾到好有機會，可惜有人心急得滯，未問清楚就揚開去，超人咪搵公關高調否認囉。
■李兆基
班賓架應該即係吸取經驗，得到富豪酒店(078)主席羅旭瑞首肯，羅老闆噚日就透過公關承認會認購榮陽。查實投資股票一定要做功課，股神都有失手時，新股就更加要小心，話明傳聞，招股書又冇寫明?話，點知傳聞中?大孖沙係咪真係有認購，或者係咪成億成億咁認購?。
李華華
mailto:LiWaWa@AppleDaily.com
上一則: 新世界高價搶地券商唱好
下一則: 中環在線：富豪企街撐大鴻輝?曬彩 - 李華華
中環在線 - 李華華 舊文