陸羽仁 BLOG 2013年1月17日
炒功
2013/1/17 上午 09:48:04
網誌分類: 經濟
美國昨日公布12月份地區經濟褐皮書及包括房地産建築商信心指數、消費者價格指數及工業産出增長等多個經濟數據，只有上月工業産出增長0.3%，略好過預期外，其它數據都係無變，顯示美國經濟還在十字路口。
有經濟「風向標」之稱的聯儲局褐皮書報告亦反映出，受美國汽車及房屋銷售持續增長帶動，美國12個聯儲銀行管轄地區經濟都有所增長，但增速微弱，最叫人關注的失業問題，則幾乎沒有改善跡象。聯儲局今個月底召開議息會議，市場估計這份報告會增強當局繼續實施第三輪「定量寬鬆」(QE)計劃的決心，維持超低水平利率及繼續大印銀紙，直到失業率有明顯下降為止。
昨日，美國多家銀行巨頭公布季度業績。成績認真唔弱，高盛第四季利潤增長近兩倍，遠超市場預期，凈利潤28.9億美元，上年同期則只有10.1億美元，更係2009年以來，首次連續兩年錄得盈利增長。世界最大托管銀行紐約梅隆銀行集團第四季凈盈利增長23%，符合市場預期。摩根大通同期利潤同比增長仲勁，達到53%至56.9億美元，超過預期。
值得注意的是，銀行盈利大增，但生意額卻跟唔上。梅隆銀行季度收入增長只有2%，摩通收入增長更差過市場預期，而高盛的超高盈利增長主要得益於集團自身投資收益增長。
美股三大指數個別發展，杜指下挫，標普500指數及納指向上。杜指受波音飛機其787在日本逼降事件，股價大跌3.4%拖累，收跌0.2%。
標普500指數及納指造好，則主要由蘋果股價大反彈帶動。雖然有大行繼續唱淡蘋果，Pacific Crest 下調蘋果公司評級，而美林美銀則降低蘋果目標價，但可能係近期跌得太勁，由去年9月高峰時的705美元，唔夠5個月已經跌了超過200美元咁誇張。有粉絲撈底，蘋果昨日不跌反大升4.2%，重上500美元大關，收報506.09美元。
近排不少網友總結了炒股心得，我想抽小小空間講?，網友buddaau早兩日話：「我真係出入太多, 都唔知自己搞咩, 剛買一隻股, 見低幾格又驚, 即沽, 見其他升幾格又追, 如是者, 錢就係沽沽中流走... 講起大飛機, 如果4蚊沽左, 我懷疑自己可唔可以坐定定等大市大插先撈番, 我驚到時又係出出入入輸曬... 好似尋日, 為左大豐哥竟然癲到投資倉既大飛機黎玩, 我之所以將投資倉擺係小五哥(匯豐銀行)度, 就係希望用佢高昂既收費, 壓制我既出入癲狂症, 點知尋日癲起上黎咩都唔記得曬, 咁就無左10隻牛... 依10隻牛係我投機倉好辛苦先追得番黎架(無錯, 係追唔係贏, 因為投機倉重蝕緊...), 咁就無左啦...」
平時睇Buddaau的留言，有紋有路，佢自稱「股海瘋人」，我都唔係好信，但睇番佢呢個留言，才知道佢瘋在那裏。絕大部份股民以為炒股要搵??U巴，搵?琱@隻好股，盲目咁買入去就不斷咁升，咁佢就會發達。事實呢？好多投資陷阱，就針對散戶呢?齯葴A而來，俾個?U巴你，跟住殺?鬻A。關鍵唔係?U巴，只要個市得，好多?U巴都得，連唔係幾得的?U巴都會得，問題你炒股的心態得唔得。
投資要死坐，平買貴賣，一年好少進出。投機要補捉時機，跟風走一段，出入位和策略更重要。我睇Buddaau近日成日講八婆(3800保利協鑫)，佢在3800跌到1.1元、1.2元時成日講，出出入入都有買，但一升少少就走?驉A你睇而家幾錢? 2.13元，若Buddaau坐得定?齱A一舖就OK啦。佢講的太陽能股、風電股好多都得，或者應該咁講，有一?屭銗L紅色股無升咁多，都升唔少，求得揀隻都得，問題唔係?U巴，係搵唔搵?畬伅﹞J市/出市，同埋唔好咁胡亂出入。
Buddaau話「見佢跌幾格」就驚，咁講第一顯示佢心理質素差，第二是無研究佢買那隻股升跌的韻律，第三可能係一直炒股的方法都錯，只是見升盲追，好多時盲追都係摸?鱄茪p頂的時候。雖然股價圖唔太可靠，但買買市值過100億的股票，都可以睇圖，睇下佢升跌的韻律，同大市走勢有乜異同。我去年中講的中國海外，當時就在一條完美上升軌之上，你每逢佢回落一定比例時去買都得，升一段又可以先沽等佢回吐，炒呢?曭捃?e易。
無論如何，我唔反對Buddaau繼續炒股，這是心癮，難戒，但要將較多資金放在投資倉中，唔好咁經常出入。至於炒作倉，先諗諗我上面講的幾條，改變自己炒作的手法，減少盲動的買和盲動的沽，事前有部署，買入後會點，乜位止蝕，估?佢跌番到止蝕位機會有幾大，沿圖型走勢運行會唔會跌番到止蝕位，部署好才行動，行動時按計劃，才會增加炒作的成功機會。若想成功，先練炒功。
陸羽仁
回應(2) 我想回應
陸羽仁 BLOG 舊文