中環在線：神舟衝天飛港股實折墮 - 李華華
神舟變明燈逢升空股市輸得金
繼秋官效應、光銀上市及稻香一蚊雞後，港股又多一個死穴，講緊?係神舟太空船！
返回地球日見底回升時
恒指周二埋單跌260點，創今年新低，咁?內地神舟十號太空船同日升空，睇番過往紀錄，由神舟一號計起，撇除兩次係星期六股市休市外，其餘八次升空日，港股跌足七次，跌市比例高達88%，同太空船越升越有?表現，完全係南轅北轍。
■神舟十號太空船路透社
■恒指今年新低
要數最誇張?次，就不得不提2011年11月1日，神八升空日，當日港股可謂四面楚歌︰歐豬國希臘正就歐盟援助方案進行公投，債務違約危機一觸即發；內地製造業PMI數據跌至50.4，衰退陰霾籠罩，加上美國期貨券商明富環球申請破產保護，拖累恒指單日狂瀉494點，險守萬九點關口，淡友身家就升到神八咁高，可憐好友全部?地下得個望字。
不過，如果計埋港股?太空船整個旅程?表現，九次入面(有一次休市)升跌參半，意味太空船返回地球時，大市都有見底回升跡象，好似2002年神舟三號及四號升空當日，港股分別跌0.3%及1.8%，但旅程結束時，已齊齊倒升1.6%及1.5%。照咁睇?，除?中共領導人同埋內地航天專家外，香港股民都好希望神舟十號快?安全歸來囉。
李華華
mailto:LiWaWa@AppleDaily.com
上一則: 力寶香港華人擬售資產賺23億
下一則: 中環在線：張一鳴新搞作做酒店房託執董 - 李華華
中環在線 - 李華華 舊文