中環在線：為上海K11搞噱頭鄭志剛辦莫奈畫展 - 李華華
■鄭志剛素有藝術修養，由佢親身斟洽畫展絕對事半功倍。
由彤叔長孫、新世界發展聯席總經理鄭志剛(Adrian)主理的上海K11開張四個月，最具話題仍然係地庫2層唔出租，全層用?做藝術展覽。
聽講唔少港資地產商睇完個場，都睇唔穿Adrian搞乜東東，繞埋手等睇呢個噱頭搞得幾耐。
Adrian就好少理，繼續發展藝術融入商業路線，仲推向國際級。舊年佢專程飛去巴黎莫奈博物館斟畫展，結果真係拗贏上海博物館，成功借到55件作品到上海K11展出，當中40幅為莫奈(Claude Monet)作品及三件他用過的日用品，餘下12幅是莫奈朋友的作品。
■上海K11用了這幅莫奈《睡蓮》系列作品之一印製宣傳品。
物主惜貨罕有來華展出
莫奈係印象派大師，作品《睡蓮》(Nymph?as)系列更是家傳戶曉，共有約250幅，美國當代藝術館(MoMA)、東京國立西洋美術館亦有收藏。今次上海K11亦會展出《睡蓮》系列作品，聽聞莫奈博物館非常惜貨，最初亦唔係好願意借出，後來被Adrian打動。今次之後，未必再有機會係中國展出。
晚年莫奈居於法國小鎮Giverny，患白內障的他察覺到正常人不為意的光影及色彩，從《睡蓮》的藍可見一斑。
前年紐約曾拍賣其中一幅《睡蓮》，成交價約4,380萬美元，大約3.4億港元。
上海K11莫奈畫展將會?3月8日至6月15日舉行，同場仲會加映，當代中國畫家細訴印象派對自己?影響?！
李華華
mailto:LiWaWa@AppleDaily.com
上一則: 樂香園：偉大的聯想 - 海迪
下一則: 中環在線：股佬迎馬年新春行大運 - 李華華
中環在線 - 李華華 舊文