智取大市：購買力耗盡唔博騰訊 - 晉佳
■騰訊大跌，最關鍵原因係耗盡購買力，好難大幅度向上推鬱股價。
港股噚日跌勢，肯定係近日跌浪以?最慘烈，晉佳開市時睇住恒指跌唔夠500點，銀娛(027)跌3%左右，心諗如果照番之前跌市pattern，銀娛股價照計噚日尾市會跌幅收窄，甚至倒升。
點知股價越跌越深，插?6%收市，仲係近兩個星期最低收市價。
即係話畀你聽，上星期連續幾日低開高收，扮即市有承接力，原來都係假動作，噚日單日已經跌凸曬，淡友似乎只係第一日露出真章，短線似未派完。
另一隻強勢股騰訊(700)就?放假前?半日市創新高，仲要成交43億元，佔大市成交超過8%，認真誇張，當日股價低開2%再倒升2%，就要動用整個港股大市?8%資金?買佢，先令佢出現4%上落波幅，反映消耗購買力得非常緊要，加上本身已經出現9日RSI三頂背馳?情況，顯示股價嚴重超買，結果噚日就大跌6%收場。
大戶推唔鬱寧穀低殘內銀
騰訊大跌，最關鍵原因係耗盡購買力，好難大幅度向上推鬱股價。
上星期四，要動用超過8%港股資金，先?半日推鬱股價波幅4%，如果股價要進一步向上推進，可能要動用大市10%、甚至12%資金，邊度得?咁多錢買同一隻股？
當中亦一定有大戶、基金諗，點解仲要用咁多錢買一隻慢牛，事實上用同一筆錢，相信可以推高曬所有低殘內銀超過半成，貨比貨之下，自然少?大戶追捧騰訊。
一隻股太多成交，往往係一種魔咒。例如隻華南城(1668)，撇除反映騰訊入股消息?一日，就以1月21日成交最大，達到17億元，當日股價先急升14%再急回，埋單只升1%。
咁大?成交，耗盡購買力，足以令華南城由當日高位4.99元，5個交易日內急回到去最低3.38元，高位最多跌超過三成，又一次證明過份活躍股份，股價會急跌收場。
要出非常手段穀增長
講番騰訊基本因素，大家話佢估值高處未算高，原因係微信開拓新財路，加上發展網上金融，未來盈利可以爆發性增長。
不過，騰訊2012年市盈率差唔多60倍，已經透支起碼5年增長，但睇番近排騰訊業務動作多多，搞埋紅包派錢，貼錢20元畀人打的，為?吸引客戶，就無所不用其極，要出到非常手段穀增長，呢?招數，點捱到幾年呢？
睇到呢度，騰訊股價購買力又耗盡，基本因素亦反映得冇得再好，要用現價買騰訊，博佢上衝到600元，賺?就只有兩成上升空間，但係難度分就爆曬燈，晉佳就一定唔會考慮。
如果騰訊今年上半年真係有本事挑戰600元，晉佳就惟有寫個服字。
晉佳
本欄逢周三刊登
上一則: 中環迷你裙：蔗渣板鴻偉逢春 - Samantha
下一則: 魚樂無窮：炳湘概念股揀新意網 - 唐牛
智取大市 - 晉佳 舊文