魚樂無窮：一份通告引發的聯想
■筆者認為，建溢集團今年將有大項目預售，又有猛人加盟，做足準備，前景亮麗。
一份通告，足以引起無限聯想！建溢集團(638)噚日發通告，宣佈委任張宏業為獨立非執行董事。委任董事乃上市公司家常便飯，何來特別之有？張宏業為專業特許產業測量師，並於房地產行業及相關領域擁有逾29年專業工作驗，名副其實係地產界?翹楚。
建滔小注博大茶飯
張宏業加盟建溢，究竟所謂何事？咁又要睇番建溢搞乜東東。公司有五瓣業務包括產銷電器及電子玩具、摩打、礦產品，以及房地產發展及製造業務。真相大白，原來呢隻老牌工業股有涉足房地產。最新業績公告顯示，集團取得三幅位於貴州省獨山縣地皮使用權，面積達13.6萬平方米，項目第一階段將發展高級低密度住宅，命名為劍橋皇家，將分五期推出，首批將於今年後期預售。當地住宅多屬大眾化熱賣可期。公司預計每平方米售價4,700元人仔，粗略估計，全個項目總值8億銀，相當於公司市值?1.7倍，相信張宏業加盟，就係要為現時PB僅0.4倍?建溢，釋放應有價值。
仲有樣吊詭?，建溢第二大股東，竟然係另一工業股建滔化工(148)，持股7%，後者同樣擁有大量地產項目，如建滔想透過借殼將地產業務上市，市值唔夠5億銀、大股東持股七成?建溢，會係一個好選擇。倘若成事，股價肯定十級跳。由於缺乏出售附屬?一次性收益，建溢去年業績明顯走樣，致股價在低位徘徊，但今年有地產項目壓陣，加上年年有息派，絕對值得小注博大茶飯！
唐牛
https://www.facebook.com/tongcow88
唐牛
魚樂無窮 - 唐牛 舊文