中環在線：Tesla香港落地
要做銷量No.1
■Tesla紅色Model S係貴價特別版。黃文邦攝
■右?版Model S可以讓一眾本地富豪一嘗電動跑車手癮。 提起電動車，唔少人只諗起形象偏差?國產比亞迪(1211)；不過，令一班富豪、藝人等到頸都長?美國Tesla電動跑車，首部右?版Model S噚日終於抵港，三個版本?售價介乎58萬至76萬元。
傳接獲逾500定單
雖然Tesla官方唔肯講接到幾多定單，但華華收到風，Tesla定單已超過500架，公司目標成為今年香港最暢銷車款。
香港係繼英國後，第二個推出右?版Model S?市場，Tesla噚日?啟德郵輪碼頭包場，舉行交車儀式。公司全球銷售和服務部副總裁Jerome Guillen唔肯透露香港區定單數量，指目標係賣得越多越好；雖然創辦人Elon Musk早前寸比亞迪唔係對手，但Guillen話好歡迎唔同品牌一齊做大個餅，無意評論對手。
據悉，Tesla高層好有信心，Model S可以成為本港今年最暢銷車款。香港舊年最好賣?私家車係寶馬5系，總共賣出近2,000架。事實上，Model S兩年前已開始密密接收定單，至今，每日仲有十幾個準車主要求試車；如果?家先落定金，要排到年底先有得?車。
設三個免費充電站
唔少人擔心電動車成日充電，Tesla宣佈在郵輪碼頭、灣仔合和中心同荃灣安裝三個超級充電站，只需20分鐘，就可以免費將電池充至半滿，足夠行駛約200公里，相當於來回中環至屯門3次。車主亦可以自行安裝充電站，住獨立屋當然較方便，不過住大廈就要業主立案法團批准，比較麻煩。
中國亦都係Tesla非常重視?市場，公司全球副總裁(中國區)吳碧瑄指出，?內地?發展??起步，初步集中北京、上海等一線城市，以白領為銷售對象，近月已經起?70幾個充電站。而公司長遠希望?內地設廠。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文