中環迷你裙：劣市下絕世奇bra
■都市麗人是內地最大貼身衣物企業，每個範疇走多別人一步，好快就能超越同行成條街。
大陸服務業PMI創新低，消費股諸如女人股齊齊放曬落?下底？大錯特錯！化妝品可以唔買，bra唔可以唔戴，每個bra正常壽命僅三個月至半年，每年總會換上兩批，除非中國女士們突然愛上飛釘，胸圍市場實際上是長青，至於賣的價錢差距更驚人，上連卡佛La Perla買個bra花上四位數字，花園街hea買一個冇牌子的，一張紅衫魚都搞得掂，所以要在bra界賺大錢，就要靠品牌，今次推介做自家品牌的都市麗人(2298)。
品牌對胸圍的重要性就是可以賣貴幾倍，兩個bra的品牌，都是A cup變C cup的功能，但價錢是三位數和四位數的分別，這就是品牌。都市麗人最新公佈的中期業績，毛利率由36.2%增至40.1%，上半年推出新品牌「都市麗人的秘密」，創意係欠奉?喇，但勝在訂價有誠意，介乎150至350元人民幣，鋪路走高檔品牌路線，上季更將網上和實體舖的銷售渠道融合，這間內地最大貼身衣物企業，每個範疇走多別人一步，好快就能超越同行成條街。
港股噚日近千隻股份下跌，凶險市況下上日推介的北車(6199)幸保不失，都市麗人走勢類似，同是半新股，僅僅較招股價僅高出2%，再加埋剛公佈的業績對辦，中期純利增長40%至1.92億元人民幣，噚日創埋上市新高，絕對是逆市之中的奇bra。
Samantha
本欄逢周三、五刊出
Samantha
中環迷你裙 - Samantha 舊文