魚樂無窮：買入莎莎的三個原因
■化妝品股莎莎，現價5.78元買入，睇一成升幅，跌5%止蝕。資料圖片
海鷗飛走，濠賭股仲未企得穩，全部跌穿一年低位，大行連環唱淡，有指本月博彩收入表現創七年最差，觸發一連串降級潮。有戰友70蚊高追銀娛(027)，但上到八十幾蚊冇走，最終?60蚊止蝕。
大自然家居有值博率
輸錢當然冇人想，但如果唔忍痛斬纜，去到噚日50蚊都穿埋，你估會點？一，恐慌性止蝕；二、低位再溝。無論揀一定二，都會比而家輸得多。當然，銀娛第時可能會變紅底股，可以由輸變贏，但你有冇呢個心理質素同holding power呢？仲有機會成本未計，唐牛在facebook經常強調斬邊食邊，就係這個道理。
入正題，今日推介化妝品股莎莎(178)，有三大原因。第一，業務有起色。莎莎主席郭少明早前表示，7至8月營業額上升13%，同店銷售亦升9%，較第二季表現為佳；本地最新零售數據亦顯示，化妝品生意按年增14.3%，見底之說非空話。第二，國慶黃金周臨近。其實五個字可以講曬︰炒上催化劑。第三，估值吸引，經過一輪調整後，莎莎現價預測市盈率16.7倍，較過去三年平均?23倍折讓近三成，兼有四厘息打底。現價5.78元買入，睇一成升幅，跌5%止蝕，抵博！
同場加映大自然家居(2083)，公司中期業績轉虧為盈，但一直冇炒過。今年4月放榜後密密回購，即推高股價兩成，現價已重回當時水平，買定等好消息有值博率。
唐牛
https://www.facebook.com/tongcow88
唐牛
魚樂無窮 - 唐牛 舊文