魚樂無窮：路訊通重演喪炒劇情
〈投資導航〉推介四隻超級冷門股，全部派息慷慨，如有閒錢絕對值得慢慢儲貨，但戰友可能會話，成交咁少，想買又要掃高幾格，唔太化算。唐牛今日就介紹另一隻冷灶股路訊通(888)，兩邊買賣盤齊曬，又有高息支持，連近期最hot?殼股概念都有埋，可謂一次過滿足曬大家三個願望。
息率9厘亂市佳品
相信大家對路訊通唔會陌生。無錯，平時?九巴?電視電告、車身廣告以至巴士站廣告，都係路訊通?手筆，業務簡單易明，成本亦低。最新中期盈利倒退66%至1,010萬銀，人仔貶值令?兌錄得虧損成為關鍵，但完全無損路訊通?穩健財政，手頭淨現金3.5億銀，相當於市值四成，扣除現金後淨市值約5億銀，說穿了又係靚殼一隻。派息亦逐年增長，現價息率達九厘，絕對係亂市避險佳品。唔好忘記，大股東載通(062)持貨73%，基金DJE?7%，扣埋其他長線股東，意味街貨市值隨時連1億都唔夠，無論從賣殼或炒作?角度出發，都擁有先天條件。近期成交見異動，舊年初喪炒正正由0.9元起步，劇情會否重演，令人期待。
P.S.反佔中人士包圍壹傳媒總部，試圖阻撓《蘋果日報》出版，這正正凸顯《蘋果日報》?存在價值，真係唔該曬！雖然公司上網有如56k，email全部開唔到，《蘋果》網站亦極不穩定，但面對呢?下三流滋擾手段，壹傳媒仝人更加有決心捍?新聞自由，捍?香港核心價值。
唐牛
https://www.facebook.com/tongcow88
唐牛
魚樂無窮 - 唐牛 舊文