魚樂無窮：泛亞環保泊得大碼頭
滬港通開車無期，港交所(388)、大折讓H股及中港券商股成為重災區，可算是預期之內，但指數出奇地冷靜。無他，滬港通4月宣佈落實，恒指由23000點起步，同最新收市價所差無幾，變相原地踏步。主板成交600億唔夠，與恐慌性拋售完全拉唔上關係，希望低位撈貨?戰友，又要失望而回。
市場對滬港通暫停啟動原因眾說紛紜，佔中成為最熱門?藉口。有人話滬港通對A股作用更勝港股，阿爺冇理由叫停。老老實實，A股衰足咁多年，要翻身都唔差在一年半載，借佔中過橋更可迫更多金融界疑似中立人士歸邊，何樂而不為？不過，港股冇甚反應，絕對值得開香檳慶祝，試想想，如果每一步都俾阿爺牽著鼻子走，本港獨有?國際金融中心地位，只會慢慢褪色。
現價翻兜勝算高
弱市照樣出強股，月中推介綜合環保(923)，不足兩周升三成，圖表完美破位，向6毫子進發；噚日提過?英裘控股(8168)亦強勢破頂，未到價，有貨可以坐定定。
8月時推介泛亞環保(556)，最多曾升四成，現時重回起步位，值得翻兜。公司上周五宣佈，與北京東方首創訂立合作協議，開發使用木絲水泥板?環保隔音屏障、吸音板及其他降噪產品，北京東方首創科技為北京東方首創集團子公司，後者屬大型國企級數，泛亞泊到大碼頭，百利而無一害，噚日逆市炒高半成，有根有據，加上業績已扭虧為盈，盈喜陸續有來，現價再入場勝算高。
唐牛
https://www.facebook.com/tongcow88
唐牛
魚樂無窮 - 唐牛 舊文