異動空間：跟大陸資金尋寶
滬港通列車脫班，無論官網定李小加，都強調只係遲到唔會擱置。回想今年4月，總理明言半年要通車，無論技術再複雜，各部委點都會死掂佢，何況呢類政策，一向都係阿爺說了算，再冠以「中國模式」，唔會解決唔到，唔接受都要硬食「袋住先」，故通唔到車九成九都係政治因素。
今次香港被罰打手板，再犯校規會唔會踢出校？學袁花話齋，我又唔係阿爺心裏面條蟲，點知喎！但魏力記得李小加講過，水清自然無魚，要有魚點都要搞濁佢，方法簡單，就係同A股融合，清水溝混水，好快股票質素、炒法、監管都會似足A股。既然無可避免，想搵食就要適應。
近排研究大陸股票網，瞭解股民炒作心法，發現佢?越細越炒，最鍾意大成交股票，炒概念多過睇基本因素。A股有漲跌停制度，港股就任你掃，特別係細價股，一飆就四、五成，比A股痛快得多，自然成為表叔目標。萬嘉集團(401)昨低位掘起第一棍，睇盤路見強國資金湧入，創上市最大成交，值得尊重。大陸人炒股心態一係唔買，一買就要升一兩倍先沽。萬嘉市值僅4.2億元，低過殼價，PB0.4倍，有條件掃到你唔信！
魏力
http://www.facebook.com/2012jason
魏力
異動空間 - 魏力 舊文