魚樂無窮：龍工表演醜股大翻身
■阿爺減息港股狂升，但受惠?股民唔多。資料圖片
阿爺減息港股狂升，但受惠?股民唔多。點解？無論指數或者受惠股，高開後波幅欠奉，開市搶入隨時冇肉食。負債出名重?內房股喪升，隻隻一成過外，同屬債重一族?中國龍工(3339)僅升4%，大有追落後空間。
估值平基金搶貨
根據最新中期業績，龍工負債比率達53%，不比內房股低，中期利息支出達1.1億銀，相當於盈利32%，受惠人行減息。
龍工為中國主要輪式裝載機及基建機械製造商，任何涉及翻土工程如起樓、修橋、築路，都會用到佢。受累上半年經濟不景，市場需求疲弱，中期營業額及盈利均持平，當中更涉及政府補貼上升，從好?角度出發，阿爺對行業呵護備至不言而喻。事實上，習總最新提出?「一帶一路」大project，致力將亞洲及歐洲版圖連接，中國更率先出資400億美金，無論基建、公路、航運等都會受惠，龍工只要分到少少餅碎，已經係大茶飯！
彭博綜合券商預測今年市盈率9.9倍，較過去三年平均?17.3倍，大幅折讓43%，市賬率僅0.7倍，難怪吸引新加坡主權基金GIC掃貨，最新持股量達6.07%。在天時地利人和配合下，呢隻仲?六年低位徘徊?國策受惠股，快上演一幕醜股大翻身，戰友記得買飛入場睇好戲。
唐牛
https://www.facebook.com/tongcow88
唐牛
魚樂無窮 - 唐牛 舊文