異動空間：尋找聖誕旅費股
日圓瘋狂貶值，就算救唔到實體經濟但谷起資產泡沫，民眾起碼覺得政府做??，有憧憬有希望，感覺自然良好。滬港通無期，但只要市場仍相信終會來，對個市反是好消息；反而滬港通如期通車，但反應一般或冇預期咁理想，都會隊散個市。故監管當局繼續測試，官員繼續話進入最後階段，無止境憧憬托市，有何不可？揀股方面，早輪炒得最癲股份呢個星期又可翻兜，心水包括申銀萬國(218)及第一上海(227)。
Yen跌穿七算，預期聖誕超多港人會到日本玩，加上美元強勢，港元兌許多貨幣都升，提升外遊意欲，專業旅運(1235)應食到呢個概念，有得諗。反而Dynam(6889)主要收入來自日本，收入以日圓計，變相縮水，是不利因素。但炒股就係咁，消息太突然，炒家一時唔諗咁多，見跟日本有關就掃，夠快手又不太貪心，早一步離場，打亂章有時都有驚喜。而港殼繼續好景，聽到大亨飲品(209)想賣，月前出售飲品業務套現，本業都唔做，改名係遲早的事；8月批股集資料是將貨源引入強者之手，準備做大龍鳳。市值5億元屬殼價範圍，不妨密切留意。
魏力
http://www.facebook.com/2012jason
魏力
異動空間 - 魏力 舊文