中環在線：夏佳理係歌劇發燒友
每年夏天飛奧地利睇表演
■夏佳理(右)同香港藝術節行政總監何嘉坤熱愛藝術，一齊搞藝術節夠曬合拍。李潤芳攝
一講到邊個經常飛往外地聽歌劇，大家通常即刻想起前政務司司長許仕仁，但其實唔少政商界人士都有此雅興，港交所(388)前主席夏佳理就係其中之一。佢喜歡欣賞歌劇與樂團演奏，每年7、8月都會飛去奧地利欣賞當地?藝術節表演節目。
夏佳理戴過好多頂帽，曾經係立法會議員、行政會議成員、馬會與港交所主席，?家戴住?兩頂帽就主要跟藝術有關，佢既係西九文化區管理局副主席，又係香港藝術節協會主席，加入藝術節協會都已經9年，2012年底獲委任為主席，肯定對藝術有濃厚興趣。
夏佳理透露，自己主要鍾意聽音樂、歌劇，奧地利每年7至8月都會舉行薩爾斯堡音樂節(薩爾斯堡係莫劄特?出生地)，佢每年都會飛去3至5日欣賞音樂節?節目，通常每日觀賞一個節目，由於今年節目太豐富，所以試過一日睇兩場表演。
被問到有邊位心水表演者，夏佳理亦講得眉飛色舞，跟華華講黃子華?棟篤笑有幾過癮無異。佢喜歡意大利女中音歌唱家Cecilia Bartoli，大讚對方人靚聲甜。
向藝術節推介心水指揮家
此外，明年2、3月舉行?第43屆藝術節，其中一個節目係洛杉磯愛樂音樂總監指揮Gustavo Dudamel來港獻技，正正就係夏佳理?奧地利欣賞過呢位指揮家與樂團?表演，回港後即刻向藝術節行政總監何嘉坤推薦，仲成功邀請到對方來港表演兩場，相信到時一定可以?場內碰到夏佳理。
【夏佳理心水表演者】
■Gustavo Dudamel Gustavo Dudamel(杜達美)
33歲的著名指揮家，28歲已出任洛杉磯愛樂音樂總監，明年初首訪亞洲，參與香港藝術節。
■Cecilia Bartoli Cecilia Bartoli(塞西莉亞．芭托莉)
48歲的著名意大利女中音，曾於2011年來港為香港藝術節舉行開幕音樂會，父母是聲樂家。
邀藝團來港最少傾兩年
明年2至3月舉行?香港藝術節已經係第43屆，上月開始預訂門票。夏佳理認為，過去10至15年，香港?表演藝術變化大，藝術節以前較多外國藝團表演，近年越來越多本地藝團參與；而觀眾?眼光亦越來越「尖」，欣賞範圍既闊且廣。
香港藝術節行政總監何嘉坤認同，指?家?觀眾相當有要求，「例如一個樂團來港表演，佢?會問邊位指揮、用邊類樂器、演奏邊一個版本等等，相當仔細」。
唔講唔知，藝術節每年邀請不同國家、不同種類?藝團來港，過程絕不簡單。知名?表演團體收費不便宜，而且本身演出多，要排期。因此，藝術節負責人除?要跟不同藝團講價，還要花上好多時間去傾、去等，何嘉坤透露，一般要傾3至5年先至成事，快都要傾兩年。
明年藝術節就邀請到莫斯科大劇院芭蕾舞與歌劇團來港表演3齣作品，為一大重點節目。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文