陸羽仁 BLOG 2014年11月13日
蝸牛式整固
2014/11/13 08:51:10
網誌分類: 經濟
週三美股繼續悶局，杜指收市跌3點至17612點；標普500指數跌1點，收報2038點，結束了連續五日升勢；納指有蘋果力撐，跑贏大市，升15點至4675點。
美股早段腳軟，主要受歐洲傳出德國總理默克爾及德國央行行長魏德曼聲稱反對歐洲央行最近採取的擴大刺激經濟措施的言論拖累，其後傳來歐洲央行行長德拉吉的反駁，話僅靠財政政策不可能復興歐元區的消息，投資者信心回復，大市逐步回穩。券商Conifer Securities嘅龐巴迪(Steve Bombardiere) 話，「和過去一樣，股市走低時總是有人逢低吸納。他們擔心如果唔買的話，就會錯過機會。」
標普500指數在過去嘅八個交易日，都在上下10點之間去反覆向上。呢種「蝸牛式」爬升，悶係悶啲，不過，對於大市好友而言，其實係好消息。翻查資料，標普500指數升超過1%，已經係上個月13日的事。試想想，如果期間呢段時間係鞏固期，有升無跌，美股表現，真係非常硬淨。
我覺得美股咁硬淨嘅原因幾個，首先係交易商覺得即使歐元區經濟唔得，但有信心歐央行行長德拉吉(Mario Draghi)可以撐住大局，特別係認為佢可以頂得住來自德國唔想擴大刺激經濟的壓力。即係話，對歐洲能夠推行大力度刺激經驗措施十分有信心，從而支持他們即使唔大舉入市，亦唔肯輕率離場。其次係交易商此前最驚嘅三大國際事件，句括ISIS、伊波拉及烏克蘭危機，這段時間都無爆大鑊，無嚇到佢哋沽貨離場。大家睇股市恐懼指標VIX指數近期徘徊於12及13邊緣，反映投資者對後市仍然非常樂觀。
大市現時面對最大的問題，係已經升到非常高嘅位置，美股近期屢創新高，所有指數，包括杜瓊欺運輸指數，工業指數、標普500指數、羅素2000隻中小型股指數以及納指，都已處於超賣區，很多個股已經到價甚至超買，已經令投資者有點窒步。
而這樣一種鞏固期，正正對美股尤其重要，可以消化已經超買嘅指數、板塊以及個股。我們不應期望股市每日都升1%，因為咁樣升法，當大市稍為出現一些利淡因素，投資者將會迅速沽貨，鎖定利潤，引發連鎖反應，大市會插得特別急、特別深。
對於大市是否已經超賣，分析界人言人殊。昨日，基金管理公司Vanguard Group創辦人Jack Bogle對《CNBC》說明他如何判斷股市是否被超買。Bogle成立的Vanguard 500指數型基金，是追蹤標普500指數。所以佢非常密切留意大市的估值。Bogle指出，標普500指數的20倍預估市盈率(P/E ratio)，就是是否超賣的最好警示。當市場市盈率達到20倍時，Bogle相信就是被超買。他認為，市場在這個水準就是偏高了。根據《Bloomberg Businessweek》，標普500目前預估市盈率約為17倍，雖然係2009年以來最高水平。，但根據Bogle的標準，大市仲未到超買的程度。
大市超買又好，未超買又好，又唔代表市場上搵唔多超值貨喎。例如黃金及黃金股已經由底部反彈，仍處於出現超賣地區，又例如有唔少商品相關股，亦跌得好殘，包括全球最大的銅金生產商Freeport-McMoRan, 股價才剛剛脫離52周低位。雖然美元強勢持續，對黃金商品價格仍然不利，但跌得太多的，總會反彈，依家入市，值亦博率又唔會太差喎。
陸羽仁
回應(0) 我想回應
陸羽仁 BLOG 舊文