異動空間：短線博七成之選
港股踢極唔起，但交投並無縮減，每日維持七百幾、八百億元，反映遊資積極在市場搵食。三月以來主旋律就係炒殘股，表叔暴力掃細價股，無厘頭幾日升一倍都有唔少，魏力早兩日講咗兩套近日適用的短炒法，就係「殘股、大棍崛起、追入」以及「圓底、成交急增、追入」，唔知戰友們用唔用得著？
中國汽車內飾（048）屬短炒hit and run的佳品，低位崛起第一棍，即創四個月最大成交，明顯已獲大戶睇中。過去一年呈完美雙底形態，MACD三底背馳，市值僅4.4億元，一旦表叔入場參戰，上番雙底頸線0.55元（升75%），可說是小菜一碟！
中汽內飾去年八月底轉主板，殼價三級跳，現價仍低於五億元殼價，獲內地汽車巨企青睞借殼上市，絕對合情合理。西南環保（1908）由轉板至易主剛好半年，股價至今升咗兩倍；中汽內飾轉板亦剛好半年，點秤都有條件成為下隻西南環保！而去年九月配股集資八千萬元，每股0.38元，半年都未炒過。理論上友好接貨好少輸錢，莫非背後正醞釀大龍鳳，日後會讓接貨者贏大鑊？
魏力
http://www.facebook.com/2012jason
魏力
異動空間 - 魏力 舊文