魚樂無窮：尋找下隻爆炒重組股
■論概念及可塑性，以光控最值博。圖為集團首席執行官陳爽。 資料圖片
光大系四傑──光大控股（165）、光大國際（257）、光大銀行（6818）及中國飛機租賃（1848）上周齊齊出通告，原來母公司重組經已完成。簡言之，匯金及財政部將透過持有光大香港，掌管光
控、光國及中國飛機租賃，光大集團直接持有光行股權比例亦大幅提升。論概念及可塑性，始終係龍頭光控最值博。
內地減息周期已展開，股市遇水即生，主打金融嘅光控肯定最受惠。無他，光控揸住光大銀行A股3.51%及光大證券A股33.3%，以昨日收市價計，持股總值461億元（人民幣．下同），光控市值呢？只有500億元，估值偏低程度令人咋舌。假若將相關持股沽出，收益無極限。
你可能話，邊有咁賣出去吖？咁你就有所不知，光控其實早已轉型為投資公司，旗下基金包括私募、創投、新能源、醫療等，呢瓣先係主菜，已較招股價升近兩倍嘅中國飛機租賃，正正係光控嘅得意之作，更反映光控潛力深不可測，只要再有分拆，股價肯定升價十倍。母公司完成重組，很可能係剝離光行光證、全身投入基金投資嘅關鍵。
有辦你睇，同屬老牌紅籌嘅華創（291），經過一輪重組後，今年喺恒指成份股中，升幅名列前茅，將同一個模式套用喺光控身上，2007年高位36元，相信只係大升浪中途站。
唐牛
https://www.facebook.com/tongcow88
唐牛
魚樂無窮 - 唐牛 舊文