異動空間：點秤都大把世界
早幾日有戰友向魏力呻道：「今年初在深圳睇咗層樓，開價240萬冇買，家陣320萬！」嘩！半年唔夠飛升三成，原因？因為傳該區日後會納入為自貿區。雖然這屬極端例子，但睇番5月大陸一線城市房價，深圳確係一枝獨秀，按月升6.6%，加埋深港通就快開，深圳多地的工業股隨時
爆到七彩！世界集團（713）係其中之一。
去深圳政府網頁，搵到份《2014年深圳市城市更新單元計劃第一批計劃》文件，集團與花樣年（1777）合作，將旗下坪山世界塑膠廠片區由工業改為商住用途，拆卸重建面積12.1萬平方米。公司於深圳坪山另有一幅7萬平方米工業地，原為世界塑膠餐墊有限公司的廠址，亦與花樣年合作轉為起樓。仲有集團附屬於深圳龍崗及中山沙溪鎮共擁有35萬平方米土地。加埋四幅地有54萬平方米，當每平方米1萬銀（肯定唔止）都已值54億銀，是超級寶藏！目前公司市值僅7.2億銀，折讓大得驚人，假如拆骨反映價值，隨時可漲6倍！另公司進軍環保業，去年獲批17項廚餘回收及汙水處理技術的專利證書，又值一大筆錢。股價落番前高位0.97元，絕對值得介入。
魏力
http://www.facebook.com/2012jason
魏力
異動空間 - 魏力 舊文