魚樂無窮：日升日跌應如何自處
■東瀛遊市值12億，與中資概念絕緣。 資料圖片
世事難料，滿以為8號掛8號風球，最後遲咗一日，股市又何嘗不是？經歷史上最可怕跌市後，港股即來個回馬槍，單日瘋狂彈近千點，五十大升幅股份，全部以六成做起錶價，雖未收復早前失地，但幅度卻是始料不及。望住由低位反
彈30蚊嘅港交所（388），唐牛不禁倒抽一口涼氣。
面對日升日跌嘅市況，應該如何自處？大時代一條氣上，亂掟飛鏢都中，贏到你唔信；而家阿爺暴力救市，市場節奏已經亂曬，好難好似以前咁手到拿來，狂印銀紙。身邊唔少戰友，因為股市波動，導致茶飯不思，甚至半夜夢迴都只係股票兩隻字。
現實啲講，炒股都係為咗贏錢，但炒到食唔安坐唔落，影響判斷力之餘，更會身心俱疲，惡性循環之下，贏錢難上加難；倒不如減磅至一個心安理得水平，甚至暫時遠離股市，等信心恢復之時回歸，肯定事半功倍。
第三季推介盈喜股東瀛遊（6882），因當時信心十足，未有set止蝕價，但股災隨即淹至，以買入價2.8元計，一度急插33%，唔知好事定壞事，最新反彈至2.39元，依然潛水15%。睇好東瀛遊，除咗績佳及憧憬派息外，更重要係與中資概念絕緣，遇上無妄之災後，應已見底，市值12億，兼有金手指真金白銀掃貨支持，繼續揸實等收成。
唐牛
https://www.facebook.com/tongcow88
唐牛
魚樂無窮 - 唐牛 舊文