兩件一周 - 錢雋
1189銀彈多
2015年09月16日
珀麗早前集資約1.1億元，圖為九龍珀麗酒店。
珀麗酒店(1189)呢期跟中港大插插，兩個半月跌咗近60%，最新手頭淨現金，係總市值近3倍，超級現金牛，係佢賣點。
珀麗現價(0.495元)去番1年半起步位，兼質穿今年6月頭配
股價0.89元，總市值得3.95億元，殼價不如。珀麗市值細奀，但隨住集團6月配股，大股東錦興(275)權益，由配股前近22.6%，進一步攤薄到得18.8%，無極大股權喺手。所以，憧憬珀麗將手頭現金派曬出街，再賣盤，呢個可能性唔係咁大。
但咁睇，珀麗連埋今年6月頭配股集資1.1億元，到6月尾止，集團手頭現金11.6億元，減埋同期1,000萬元借款，淨現金係高達11.5億元，兼且係家陣低殘市值嘅2.9倍，或現價比每股淨現金1.46元，大折讓66%！又淡靜市道下，嚟緊日子，提供大把執筍嘢機會。又珀麗若果透過適度槓桿，進行借貸，亦可以進一步提升現金水平，超級銀彈，就係優勢。
珀麗連埋呢期配股攤薄，每股資產值3蚊，集團呢個殘價嘅折讓，高達84%，珀麗折讓，場內酒店股數一數二。又上邊錦興，講緊0.22倍PB，珀麗比錦興仲要殘。呢幾日，細價嘢又癲鳳鬥狂龍，珀麗啱上周五，起第一棍陽燭，煲冷灶，當翻1/4番到0.63元，未有耐上到每股淨現金。唯一考慮，錦興啱有供股前科，有興趣珀麗，小注怡情就算。
作者為中細價股專家
回首頁
兩件一周 - 錢雋 舊文