陸羽仁 BLOG 2015年9月9日
回穩一半
2015/09/09 09:05:13
網誌分類: 經濟
由中港股市開始的環球反彈潮擴散到歐美，美股昨日假期後大幅反彈。杜指大漲390點，收報16493點，漲幅2.4%；標普500指數升48點，收報1969點，漲幅2.5%；納指大升128點至4812點，漲幅2.7%。
美股明顯反彈
，除了股神巴菲特睇好後市之外，主要還是外圍股市、特別係中國股市造好帶動。中國貿易數字繼續下滑，出口跌6%，令市場猜測中國或再推刺激措施咁話喎。我向來呢啲解釋半信半疑，數字差話會救市，其實中國救市都救咗兩個月，點解話見到出口差先估佢救呢?
話呢個係一個超跌反彈浪似啲，環球股市插到阿媽都唔認得，跌幅太大時，隨時一個理由都可以觸發想樣的反彈。
升浪由中國開始，上證綜指昨日先跌後升，早段先跌2%，跌到3015點便見底反彈，之後一路攀升，收市倒升2.9%至3170點，半日波幅超過5%，而成交量繼續萎縮，上海深圳兩市成交只有5241億元，較上日再減13%，升市成交少，部份是桿槓減少的原因，亦可以話股民怕博反彈中伏，買意未夠強。
港股方面，美股週一無市，港股昨日便跟住內地股市走勢，恆指收市抽高676點至21259點，大漲3.3%；國企指數反彈仲勁，升4.2%，是港股近兩月來的最好的單日表現，升幅好過內地，可能都有好多淡倉挾死咗要補倉。港股自今年4月底以來，跌幅累計達到25%。好友昨日終於出番口氣。
對於後市走勢，市場睇法仍然分歧。大摩將恒指基本預測下調至24300點，又指如果債務去槓桿週期加速，導致新興市場商品價格、匯價及增長惡化的話，恆指最差可能會跌至18000點。
而中投國際睇法無咁悲觀，認為恆指已經跌得咁多，市盈率跌至8.9倍水準；國企指數更調整了近四成，市盈率跌至6.5倍，估值已經重回2008年金融海嘯水準，再下跌空間有限。惟一要小心?係人民幣貶值及內地經濟放緩，加上強美元或降低企業未來盈利表現，可能再出現新一輪的企業盈利及估值下調潮。
內地興業證券認為，由於美國9月是否內始加息，仍有不確定性，建議投資者一方面以低估值高股息率的行業及個股為底倉，另一方面，可考慮在市場調整中逢低優質成長股。
我就認為因為中國因素而下跌的壞消息消化了，人民幣暫時唔似會再貶值(記住若中國再連番減息遇上美國加息就唔係咁講)，經濟數字衰又在預期之中，加上中國政府都幾頻密咁出政策招，所以單計中國因素，已搵到一個階段性底部(記住是階段性，明年情況難講啲)，可說回穩了一半，餘下的一半主要睇美息因素，市場最怕展開一個快速加息的週期，要睇9月聯儲局議息有乜?示。
美股最近經過一輪大調整，昨日始見回穩，股票恐懼指標VIX指數回落超過一成至24的水準。除了外圍股市造好，令到投資情緒好轉之外，股神巴菲特的昨日好友言論，對推動大市，也有好大的積極作用。股神昨日接上CNBC節目《Squawk Alley》時表示，美國現時的經濟增長大約2%，唔係大差，但亦唔講得係蓬勃（booming）。又提到正計劃在未來4至5個月內投資320億美元。佢話手上會永遠維持在200億元美金以上，目前仍有現金可以買貨。
另外，又提到美國加息的問題。他認為「如果美國利息明顯高過歐洲，對美國出口不利。」又提醒大家在經濟學上，「之後會發生什麼？」（then what）呢個概念好重要。美國在歐洲努力壓低利率的時候加息，「之後會發生什麼？」。當未有考慮這個問題之前，便不要採取行動。股神此番說話，反映他對聯儲局於近期開始加息的決定好有保留。
陸羽仁
回應(12) 我想回應
陸羽仁 BLOG 舊文