低吸內房
2015/10/13 09:10:46
網誌分類: 經濟
外圍無大事，中國起波瀾。美股杜指升47點，升到17131點，形成上升走勢，但再上有少少乏力，倒是中國股市愈升愈有，昨日上證綜指再升3.3%，升到3287點。
CNBC將中國股市之升歸功於人行副行長易鋼話中國股市調整接近結
束，並找來評論員話中央銀行行長的工作唔係評論股市，意指內地股市升得無道理。
正如我在報專欄所講，而家內地股民都唔係信曬政府官員所講，所以話易鋼講一句股市見底，內地個市早前升咗咁多仲升多3.3%，可能性好低。內地昨日係在炒「7萬億量寛救市」的傳聞。
說是傳聞，因為7萬億之數不是出自官方之口，但傳聞的源頭卻來自人民銀行在周六布推出「信貸資產質押再貸款」試點。呢單嘢比較技術性，意思係銀行借咗錢出街，可以?個債權去央行抵押，?到錢再借俾人，藉以增加基礎貨幣。
人行請咗班留學外國專家，早被譏為經濟一唔好人行就講英文，搞出一大堆英文縮寫的放水工具，由於工具太多，互相交叉，搞到大家好難分析推出政策工具時的影響。呢次又搞這個「信貸資產質押再貸款」，大家以為雖然係中文字但作用同早前的英文工具一樣，所以公布之時唔係好理。
但之後就逐漸散出這是「中國版QE」、是「倚天劍屠龍刀」，和美國聯儲局開支票去買商業債一樣，會「放水7萬億元人民幣」。由於這是只不具名分析，有人信有人唔信，但內地個市昨日跟手就湧咗上去。
我和熟悉內地政情的人士傾過，佢話應該係堅嘢，雖然不一定是7萬億，或者是7萬億都會分段推出(目前是擴大到9個主要省份試點)，但作用都係以重招放水。傳聞第3季中國GDP增長只有6.5%(最後唔知出乜嘢數)，遠離7%的增長目標，今年已走到最後一季，經濟還在下滑，若不出重手，看不到如何可以令經濟止跌回穩、甚至回升的希望。
之前一路話降準、減息，上次8月大力降準，都只是釋放了8000億資金，而減息更有加速資金外流令人仔受壓的副作用，資金流出又令人行釋放的人民幣減少，隨時得不償失。但如今出呢個「信貸資產質押再貸款」新招，若可放出7萬億，等如10次降準的力度，就有水浸銀行的作用。而家阿爺唔考慮得咁精細話怕重覆建設，救起咗經濟再算。既然美、日、歐都量寛，阿爺都玩埋一份了。
7%的經濟增長有2.5%是內房的消費，所以購房是最大的內需，現時房市最大的暗傷是銀行不願借出房屋相關貸款，無論發展商或私人買房，銀行都不願借錢，因為銀行深知房市空置庫存甚多，怕房價大跌，所以不敢借，反正錢可以借到其他地方，就不借予房市了，造成房市呆滯。所以阿爺放水，就是要房市動起來，本身已可以帶動增長，而外溢效應也可以帶動消費。
結論係內房股可以留意，在回吐時可吸納。今年上半年中國內房銷售排第一位的萬科(2202)
，銷售額1080億元，排第二是恒大(3333)，銷售894億，排第三是綠地、第四是保利，它們的主營公司都無在港上市，其餘十大銷售房企有在港上市排第五是中國海外(688)，銷售639億，第七碧桂園銷售540億，第八華潤置地(1109)銷售370億，第九是世茂(813)的315億。(詳細排名見http://goo.gl/HtxKSt) 吼內房穩陣之選是萬科，佢今年全年賣樓應該又過2000億，而且產品利錢較深，隻股9.8倍PE，3.6厘息，唔好處是在內房中算是較貴。而恒大今年全年賣樓料可到1800億，但售樓利錢較薄，恒大股價較平，只是4.6倍PE，11.2厘息(去年派高息)，恒大是快上快落的股份，好處是鬱動快，懷處也是波動大，買入要定止蝕。
陸羽仁
回應(3) 我想回應
陸羽仁 BLOG 舊文