一周三件：神數長揸煲得過
■神州數碼旗下全資科捷物流，增值潛力勁。圖為集團主席郭為。 資料圖片
神州數碼（861）系內PB至抵搞唔在講，現成又有嚟自神州信息（深：000555）過百億元股本增值，而熱爆嘅第三方物流瓣數，亦有勁厚增值潛力，神數keep住煲得過。
隱藏價值更吸引
神數旗
下全資「科捷物流」早喺2003年成立，家陣形成遍及104個城市嘅物流覆蓋點。全國超過一半嘅蘋果手機，透過科捷配送之餘，科捷亦同淘寶、天貓等大哥大平台成功接對，雙11期間，兼曾創下日處理18萬單紀錄。網購大熱，對物流有勁大需求，神數呢個物流鏈，勁值租，肥仔價值係睇點樣反映出嚟。
又神數出售分銷業後，話計劃每股派特別息3.2元，經除息後市值，縮到58億元咁大把。神數禾稈冚珍珠，隱藏價值一浮面，呢個市值，算係乜？
再近啲，神數揸深圳神州信息42.6%，或近3.9億股。後邊神州信息現價約42.4港元，比本身NAV4.1港元，每股凸章38蚊，PB去到10倍。神數單係揸住神州信息呢撼貨，已經額外增值149億元，或每股13.7元，神數實際NAV近22蚊，現價8.48元得0.38倍PB！
除咗神州信息，神數有揸嘅鼎捷軟件（深：300378），10倍PB、慧聰網（2280）1.8倍PB。就算比起慧聰網，神數都平咗78%。神數話計劃派特別息，到家陣已經三個月，而嚟緊24號，神數派第三季成績單，又會唔會一次過公佈埋派息日？
揸實神數，先食呢板豐厚甜品同勁抵PB，以除息後理論價5.3元翻半番到7.9元，先得0.42倍PB，仲未追到最近磅嘅慧聰網。
錢雋
細價股專家
本欄逢周一、三、五刊出
錢雋
一周三件 - 錢雋 舊文