一周三件：金茂等住做大
■金茂由純地產商升級做城市運營商。圖為集團主席何操。 資料圖片
金茂（817，前稱方興地產）期望到2019年，營收同總利潤翻一番。呢嚇期望夠爆炸之餘，金茂又絕對有呢個做大做嘅強條件！
升呢搞城市營運
金茂係大央企中化集團旗下唯一嘅內房旗艦，今年中，金茂配股引資
新華保險（1336）、GIC（資產管理超過7,800億港元）、Warburg Pincus（資產管理3,120億港元）同郭炳湘阿媽，加埋呢批星級投資者，夠曬back up。
金茂土儲超過3億平方呎，大部份喺北京、上海、廣州同重慶（GDP增長跑第一）呢類一線城市。集團又揸住多個好似上海地標「金茂大廈」嘅優質物業。講物業土儲質素，又係超班。
更吸引係，金茂已經加入綠色環境高端建築，呢期集團再升級，由純地產商跳做城市運營商。城市營運，唔單止講住宅商廈，隨住好似醫院、學校等高附加值元素加埋落去，對金茂日後毛利提升，同集團喺社區內嘅物業銷情，更加如虎添翼。
金茂上年收入295億元、盈利53億元，若以倍翻收入粗略計，講緊600億元，盈利斷百億計，對應家陣228億元市值，得兩倍幾PE。金茂若果順風順水，嚟緊幾年會好爆炸，而集團又有齊做大做強優勢，對金茂嘅前景係有好大憧憬！
場內好保守專業預估，金茂到2017年NAV5蚊，每股增值1蚊，呢個增值，只係相等於集團土儲每方呎增值35蚊咁大把，但現價（2.14元）跌到得番0.4倍PB。煲金茂，當翻半番到3.2元，都係得0.6倍PB，未有耐追到集團2007年上市以嚟嘅平均1.1倍PB水位。
錢雋
細價股專家
本欄逢周一、三、五刊出
錢雋
一周三件 - 錢雋 舊文