智取大市：
升勢冇理由才是好
■投資者只要未見市況明顯逆轉，有持貨的就毋須驚青。 李潤芳攝
噚日港股升嚇回嚇，好似冇乜力咁，但由於影響港股嘅恐懼因素慢慢離去，只要未見市況明顯逆轉，持貨就毋須驚青，買咗中資股lead得住就繼續持貨，未買貨就逢低吸。呢一刻大部份投資者都仲驚緊，所以反彈量
度升幅，暫時可以放膽睇遠啲，直到主流民意覺得最壞情況已過去、市場變得安全之際，先考慮割禾青，相反理論也。用舊年12月24日至今跌浪嘅黃金比率0.618倍作為目標，暫時睇20800點。
睇番鞍鋼（347），其實十分奇怪，無論A股還是H股，鋼鐵股當中，都係得鞍鋼H股表現特別靚仔。除此之外，寶鋼、武鋼同包鋼股價都冇料到，鞍鋼A股都係噚日先跟H股升。鞍鋼生產規模同產能較馬鋼為高，論估值平，鞍鋼以至馬鋼（323）都係市賬率0.5倍左右，過往兩股一齊跌，今個月開始走勢各異，年初至今鞍鋼升21.4%，馬鋼就跌7.2%。究竟乜嘢葫蘆賣乜藥？係咪涉及鋼鐵業兼併重組？唔敢講，但以鞍鋼規模嚟講，發生機會點都比馬鋼大，淨係睇鞍鋼A、H股差價逐步收窄都夠古怪。
論基本因素，鋼鐵業經歷長期低潮，企業更著重改善生產流程、產品種類去抗逆，鋼鐵股嘅能力必有提升，一切只等鋼價見底。鞍鋼踏入2016年就見強勢，成交增加，好耐冇試過，噚日突破潛伏底頸線，靚圖已值得尊重，不妨逢低吸。
晉佳
https://www.facebook.com/advanceguy1/
晉佳
智取大市 - 晉佳 舊文
來源 source: http://hk.apple.nextmedia.com