智取大市：炒股副業正職做人
■當你手風唔順嘅時候，每每做錯重大決定，買乜輸乜，做乜都錯。 資料圖片
當你手風唔順嘅時候，每每做錯重大決定，買乜輸乜，做乜都錯。呢個情況，大概有兩種解釋，第一，你技不如人，做咗食物鏈嘅低層，如果眼見track record一直輸多贏少，結論係，你要改進自
己；第二，未必同技術有關，而係你失去咗信心。面對失去信心、手風唔順，你問任何一位戰友，都會叫你唞唞先，過兩個月可能又一條好漢。不過，你唔知過多兩個月，信心會唔會返嚟，因為膠唞是沒用的。
要解決呢種惡性循環，首先，你可以回帶去到你最後手風順嘅時候，究竟做咗乜嘢決定，令你開始
一沉百踩，然後諗一個劇本，自己如何避開呢個錯誤。好啦，假設你記得番，假設埋自己一直冇做到膠事，順風順水去到呢一刻，你或許會「叮」一聲發現，換著一個手風正順嘅自己，喺目前呢一刻會點部署。
至於輸咗嘅錢，話知你當自己要做手術、炒咗車、成間屋浸水要搞裝修乜都得，總之唔係輸咗，要總結經驗，而冇留低之前輸錢嘅感覺。回復信心，唔代表盲衝，可以先諗諗過往贏錢的經驗，當時自己、市況嘅設定係乜，等市況去番一個相近設定嘅環境，先再入市，翻身把握自然最大。
唔失敗，的確好難嘗得盡生活戰鬥嘅學問，「正職做人」呢句的確冇得輸。
晉佳
https://www.facebook.com/advanceguy1/
晉佳
智取大市 - 晉佳 舊文
來源 source: http://hk.apple.nextmedia.com