摸魚手劄：釣魚好唔好，梁特
■最近梁特在網誌建議午飯時間去遊水同釣魚。 資料圖片
中環最近有一個好好笑的笑話，就係梁特在網誌建議午飯時間去遊水同釣魚。當中的低能之處，好多人都解釋了，時間太短、飯後不應運動、整泳棚浪費資源。最簡單的經濟學解釋係中環人午飯的機會成本好高。
如果你要貼市工
作，那麼你只有1個鐘的休息時間，1個鐘後又要繼續望報價機。就算你唔使貼市，午飯也見客、見行家和傾刁，公司部Blackberry同iPhone也長響不止，哪有這麼閑情逸致？
Stupid suggestion總會有stupid action。本來梁特的建議已經夠低能，低能在竟然田二少付諸行動，身體力行「證明」午飯時間可以同時兼顧遊水又充飢。當然，田大少也不放過任何抽水機會，facebook貼了一張田大少坐上疑似洗頭艇的相。田家一門兩傑，各有表述。梁特都係貼網誌提議而已，又不是經官僚程序落實。網上世界這玩意向來都是認真，你就輸了。田大少贏了，田二少輸了。
其實網誌這回事真係好不負責任，茅波想搞郊野公園都係先發表網誌試水溫，見大迴響就縮。因為網誌都係「講下箒，犯法啊」，可以幫自己開脫。政府鍾意玩網誌，港交所李小加都鍾意玩網誌。真係好煩，你哋班公眾人物能不能有擔帶，說一便一，成日縮埋玩網誌放風，算點先？
「釣魚好唔好，梁特」係一個小學雞玩意。如果好大聲好快咁念出口，會有意想不到的效果，這個效果也代表住市民的怨念。
渾水
http://www.facebook.com/muddydirtywater
本欄逢周五刊出
渾水
摸魚手札 - 渾水 舊文
來源 source: http://hk.apple.nextmedia.com