一周三件：深控佔盡優勢
■深控業務集中在近期樓市熾熱的深圳市，贏在起跑線。圖為集團主席呂華。 資料圖片
人行又再降準放水，內房係短打對象。呢瓣上而下，揀食正呢潮火爆升浪嘅深圳區、又當中嘅地膽深圳控股（604）。
深控繼上年全年內房銷售160億人仔，以倍增116%，啱啱上月頭，集團亦公佈
今年1月銷售，同比更加大幅，增加近185%，到10.8億元人仔。靚仔嘅地方係，呢個月銷售，出現銷售面積同平均售價，價量齊升情況！
母系持續注資
深圳市樓價連續14個月領漲，而深控喺深圳市土儲超過2,000萬平方呎，已贏在起跑線。呢期市場傳出，深圳樓市高溫，或會有調控降溫措施。但業內人士分析，深圳城市土地開發不足，係深圳樓市飆升嘅根源問題，而未來部份土地，仲要透過舊區改造，增加供應。
深控係深圳市國資委內房旗艦，阿媽又另外有超過2,000萬平方呎深圳市土儲，而深控就快舉行EGM，就係議決買入阿媽喺深圳市羅湖區黃貝嶺改造項目。睇到兼諗到係，深控有超級大孖沙母系，食盡地膽優勢，兼keep住有靚地注資。而深控管理層，喺上年9月份，話有信心嚟緊5年，keep喺高利潤狀態。
場內專業評估，計埋人仔滙兌影響，深控今、明兩年EPS0.45元同0.54元，現價2.9元預測6.4倍同5.4倍，比本身10年嚟平均8.6倍PE，平咗37%。專業預估深控今、明兩年0.57倍同0.52倍PB，比起10年平均0.88倍，平咗40%。
呢轉短打，當深控彈番上上年尾橫行頂3.5元，講緊要升20%，明年預估PE、PB，仲係得7.7倍同0.63倍，未有耐上番10年平均值。
錢雋
細價股專家
本欄逢周一、三、五刊出
錢雋
一周三件 - 錢雋 舊文
來源 source: http://hk.apple.nextmedia.com