美股估值高
2016/05/03 08:30:19
網誌分類: 經濟
美元弱，美股升，杜指反彈117點，收17891點。
回顧4月，美元弱勢持續，聯儲局和日本央行議息後更急插，美元指數跌至8月以來新低，市場相信聯儲局今年只會加息一次，加上首季經濟數據唔靚仔，成為美元走弱主因。
美元疲弱成為推
動商品市場反彈的主要動力，期內貴金屬與工業用金屬價格大幅回升，銀升15.9%；Nicket升11.9%；鋁升10.7%；鐵礦石升6.9%，銅升4.8%；油價仲勁，較上月大幅反彈20%，較2月低位更係大漲70%！紐約油價距離每桶50美元，愈來愈近。反證美元強的因素，比供應多及經濟差兩個因素，更影響商品走勢。
不過，即使美元咁弱，新興市場股市表現只係一般，新興市場股票基金（ETF）4月只係微升0.3%；其中表現最好?係南非，升4.9%。新興市場股市可能無商品跌得咁殘，所以無咁大技術反彈力度。
美企4月開始公報業績，大約已有6成企業派咗成績表，臨近4月最後一兩天，亞馬遜、Experdia、LinkedIn、Facebook等派出比較好樣的成績表，算係抵消番早前微軟、蘋果及谷歌肉酸業績的負面影響。整體而言，業界對於盈利預期的語氣對上一季樂觀，由「謹慎」改為「穩定」和「有所改善」。最大的問題還是能源業，究竟第一季的經營環境已經到底未？艾克森石油就上調盈利的預期數字，話油價好有可能已經見底。
踏入5月，投資者可能聽得Sell in May and go away（5月沽貨走人）太多，個心都會怯怯地。不過，美股第一個交易有唔錯表現，杜指升117點，收17891點，可能係上日大跌超過200點之後?反彈。
就「5月沽貨走人」的講法，指出，紐約著名分析師話，如果跟足美國邁亞密大學的幾位教授Michael Fuerst、Sandro Andrade及Vidhi Chhaochharia等的建議，在5月前一股都沽清股票，可能有點不智，的而且確，長期以來，每年的5月至10月，股票回報率都會低過11月至4月，不過，把所有錢抽離股市長達6個月咁長?做法有點傻。比較聰明的做法係在夏天時，把股票組合換馬去防守性的股票，然後在11月以後再買番進取型的股票。
佢認為5月份大市將出現溫和調整的風險，股票恐懼指標VIX指數亦見到有回升的跡象，昨日升6.5%至14.68，升到近期比較高的一個水平。主要係受到此前富豪Carl Icahn話聯儲局只識印錢催局經濟，無喺財政方面入手，美股終將出現「報應的一日」（day of reckoning），加上日本央行政策令人覺得央行無能之外，巴郡副主席芒格（Charlie Munger）昨日又話美國再唔推出財政政策刺激經濟，美國將步日本後塵的言論，嚇到投資者有點腳軟。
不過，紐約分析師預計，美股又唔會出現好似1、2月時?恐慌下跌，當時市場好驚中國經濟會崩潰，怕美國經濟會衰退，目前睇又唔會出現呢種狀況。
佢認為依家最大的問題係估值計問題，美國股市已經太貴，有些大工業股的市盈率（PE）已經去到19、20倍。華爾街此前的炒作係基於標普500指數成份股今年盈利為平均每股123美元，目前預期盈利降到119美元（約預期市盈率17.3倍），正向著118美元進發，靠近去年的117.26美元。盈利估計下跌，股市未跌，意味股市估值較高，雖然未至令到大市崩潰，但卻足以成為大市創新高的主要障礙。
陸羽仁
回應(2) 我想回應
陸羽仁 BLOG 舊文
來源 source: http://blogcity.me