智取大市：攀頂前調一調整
■港股上升股份數目連續四日下跌。 資料圖片
港股上升股份數目連續四日下跌，即使星期一恒指升143點，整體升跌股份只係五五波，調整壓力逐步增加。不過，以目前投資者入市意欲仍然低沉、成交仍然少、升勢未夠全面嚟睇，暫時未似見頂，只係小調整。或許要等一個令大家信服嘅
好消息出現，令到乜股都衝，好友淡友都買，先係時候全面減持嘅時候。
有貨在手嘅戰友，仲可以繼續揸，逢高減持鎖定利潤亦可以；冇貨的話，等調整後先搵機會吧，到時先睇得清楚有乜股會狗衝。即係話，唔做好過做，反正大家唔知下一轉玩法，小弟今日就不作推介。
之前推介過嘅新地（016）自從英國脫歐公投後升咗22%，以佢之前升住咁造旗嘅超強走勢嚟睇，點都要畀佢幾分尊重，即使目前9日RSI升到90左右，但調整後相信可以再破多次頂，以頂背馳完成升浪機會較大，有貨可食部份糊，但毋須盡沽。
晉佳
http://fb.com/advanceguy1
晉佳
智取大市 - 晉佳 舊文
來源 source: http://hk.apple.nextmedia.com