一路一帶：強國出品必屬劣品？
■孫楊近期已成為689般被唾罵之流。 資料圖片
四年一度嘅奧運會又開始，除咗不斷創佳績兼刷新香港紀錄嘅港將之外，奧運會嘅花生就喺各國遊泳健將圍攻強國好手「酸羊」。自從呢位「The King」喺第一場比賽男子自由式400米輸咗俾澳洲選手Mack Horto
n錯失金牌後，就被全世界恥笑，就算之後喺自由式200米拎返面金牌，已成為689般被唾罵之流。
酸羊其實外表不俗，又擁有泳手健碩身形，可以是繼姚明、劉翔之後代表中國的國際之星，點解呢隻「潛力股」會變成「老千股」？除了Horton明寸酸羊，各國遊泳選手都趁機會喺公開場合表達不滿有運動員服食禁藥。其實除咗酸羊冇運動員應有的體育精神外，強國人「玻璃心」心態亦逐漸惹來全球人反感，強國人動不動就抵制，少少事就要求你道歉，外國企業同明星為咗錢可以向你低頭，但運動員是為了國家榮譽同精神上的追求，每日訓練的心血和汗水，不能用錢衡量，當然不會卑躬屈膝。
說穿了，各國泳手都對制度有抱怨，就像「水神」Michael Phelps所講，運動應該保持乾淨同公平，所謂一次不忠百次不用，「紫色的尿」彷彿就是酸羊的代名詞，強國的信用度低到不可再低，大家都期望用制度去制衡強國；正如強國嘅A股市場，一向用審批制，新股要上市由中證監話曬事，香港股市相反行披露制，證監會雖然可以守尾門有否決權，但一切以自動波披露為本，這套方式行之已久，但自從「中港融合」後，似乎不再有效，香港紅色資本入侵，又不按章法、不守規矩，老千股橫行，今次上市架構改革諮詢，融合強國審批制，證監會一副酸羊「I am the new world」態度面對反對聲音，無助解決紛爭，點解披露制在香港開始失效，但美國卻行之有效？
說穿了，美國有公平制度，小股東有集體訴訟權，上市公司講大話，小股東有路申訴；至於香港，no way！除了法例不完善及不公平，執法機關更「選擇性執法」，點解國企違規，證監會無動於衷；點解「襲擊無特定目標就不涉及刑事」？香港人內心都想引用Phelps那句說話：「有些運動員被檢測出陽性不是一次、兩次了，可是仍然有機會參加遊泳比賽。」
斯郎
https://www.facebook.com/oneroadonebelt/
本欄逢周四刊出
斯郎
~TITLE_S~一路一帶 - 斯郎 2016年8月11日 舊文
來源 source: http://hk.apple.nextmedia.com