智取大市：金礦股價值所在
■金礦股短線值博率相當唔錯。 資料圖片
港股近兩日走勢變反覆，下跌股份接近800隻，連續兩日市況麻麻，但呢一刻難講係咪已經見頂，上一期講過，可以揀近期冇跟大市升而基本因素OK嘅股。另外，金礦股短線值博率都相當唔錯的。
暫時未確認到港股潛在調整空間多唔多，但如
果市況有秩序咁回落一千幾百點，即係只係一個小型調整，估計金礦股有機會逆市上升，理由簡單，資金避險，自然流去黃金，金價升，金礦股都升，事情發展就同6月相若。
至於升市呢？只係金價一齊升，金礦股都係升。
招金礦業（1818）周三逆市升超過3%，係金礦股嘅首選，因為夠強，盈利相對金價敏感度夠高。再講，圖亦靚，成功守住保歷加通道中軸，然後即有資金追捧，出現陽燭，動力唔錯。
除非港股急跌，再出現恐慌性拋售，或者係港股同金價背馳，否則招金短線表現將會唔錯。又或者咁，可以將金礦股當作港股溫度計，如果港股調整同時，金礦股又升，證明市況唔差得去邊，其他好股就可以候低吸納。
晉佳
http://fb.com/advanceguy1
晉佳
智取大市 - 晉佳 舊文
來源 source: http://hk.apple.nextmedia.com