經濟客艙：點解買唔到樓？
■美國新一代推遲置業嘅原因，係因為要還大學學費。 資料圖片
咩叫獨立自主？畢業後搵工到結婚再買樓就係人生目標嘅話，三、四十年前呢條公式可能啱。九十後嘅未來棟樑已經唔同睇法。要佢哋畢業後搵工結婚再買樓，呢條方程式work唔到。
華盛頓智庫皮
尤研究中心嘅調查發現，越來越多美國青年人想跟父母同住。七十年代，每四個18歲到30歲嘅青年人，就有三個已經結婚買樓自住兼生仔。喺2015年，同一年齡組別中，每三個人只有一個會答到你做到。
原來美國新一代推遲置業或者結婚嘅原因，係因為要還大學學費。調查話，56%嘅受訪者話要還學生貸款，所以人生其他事情都可以delay。另一方面，反映美國大學生「畢業後=錢途無限」。當然按個人畢業成績同能力，人生路向會有所不同。美國大學生畢業後到餐廳酒吧做侍應，唔係未聽過，大學生喺高級餐廳做嘢，一晚收嘅貼士連計底薪唔會比白領差。不過，重點係美國就業市場係溫和復蘇，但許多時工都未搵到或做住兼職，其實係喺現實中作出嘅選擇。
美國無限量寬印銀紙後，通脹突破2%，失業率由6.5%降至4.9%嘅海嘯後低位。點解同一條人生方程式到家陣唔work？過去八年，美國同其他國家齊齊減息，量寬已經令錢唔再值錢，薪金只維持慢幅增長，樓價為收入數倍，仲點會有置業意欲？
Captain Cool
https://www.facebook.com/seeforcaptain/
本欄逢周一刊出
Captain Cool
經濟客艙 - Captain Cool 舊文
來源 source: http://hk.apple.nextmedia.com