亮說亮話：曹星如原力覺醒
■很多香港年輕人和曹星如一樣，搵啱條路，冇人係廢青。 資料圖片
在重陽節前一晚，香港拳手曹星如對日本拳手前村龍鬥一場蠅量級賽事，精彩緊張。本來我很少睇拳賽，不過今次應贊助商之一太興陳永安邀請觀賽。我問永安曹星如成名之路，佢話，星如本是廢青一名，但在24歲
時原力覺醒，轉打職業拳賽，僥倖19連勝，當晚打完就20連勝。星如說是拳擊運動將他從廢青群中拯救出來，他今日成就，是全港廢青的榜樣。跟著永安問我，有沒有人姓廢。
我以為永安問有沒有人姓「費」，於是話有，重陽節的主角也是姓費（粵音姓氏讀「裨」）。孔明本來亦是廢青，不過他原力覺醒，講出大夢誰先覺，於是未出茅蘆，天下三分已定，繼而效忠劉備。
三國末期，孔明臨終前，蜀劉後主問孔明，如果他過身，邊個可接任，孔明話蔣婉；後主再問，蔣婉之後是何人，孔明話費禕；後主續問，孔明想了一想，未及回答就已經死咗。這本來是一個不解之謎，但我估計，孔明想到，蜀國當時已經沒有年輕人才，只有廢青，全部都是廢青，連費禕個仔都叫「阿青」，孔明見全部都揀唔落手，不如死咗佢算數。
現在，香港有很多年輕人都被人叫廢青，其實，佢哋唔係廢青；只要搵到一條適合道路，以及有適當幫助，令他們原力覺醒，冇年輕人係廢青。
湯文亮
mailto:jacinto.tong@gmail.com
本欄逢周二刊出
湯文亮
jacinto.tong@gmail.com
亮說亮話 - 湯文亮 舊文
來源 source: http://hk.apple.nextmedia.com