財經評論：辣招衍生變態樓市
市旺市淡都應該睇樓，因為唔睇唔知樓市點。樓市辣招突然加碼，有種聲音斷言，樓市又要被冰封了！但從近日睇樓的所見所聞，樓市根本仍然是變態。
記者日前採訪拍攝
一個老牌屋苑兩房單位，前後不到半小時，已經有兩組客人先後拍門要睇樓，對於記者及攝影師在場似是司空見慣全不在乎。第一組客的師奶甲在廳房間進進出出幾次，即向經紀乙查問：「仲有冇第二間，呢度樓層低好暗喎！」「得一條鎖匙咋！」離開時對單位似是不屑一顧但又依依不捨。不到五分鐘，獨男丙與經紀丁拍門要睇樓，一言不發的氣氛，好像滿不在乎但又似勝券在握的神情，逼使記者與攝影師快快的離開現場，免阻人作最後決定。
樓市還有「摩貨」成交的年代，這類睇樓場面十分常見。現在短炒已成上一代傳說，加辣都未足月，平日的時段都有這種睇樓際遇，地產代理道出一個現實：「不是市旺，只是盤少！」一個大型屋苑，可以有匙即睇的單位竟然只得一兩間，十多間地產代理行，有客到必定睇那一兩間，連傳媒採訪都是這些單位，這就是被辣招扭曲的樓市現況。
六年前樓市辣招橫空面世，有業內人士早已預示二手市場盤源只會買少見少，先前是買了要避辣稅遲幾年先放，現在是賣了再買要付重稅不如按兵不動，有客到價都情願封盤不賣的情況與日俱增。無貨揀、無樓睇，罕有盤源業主見睇樓客多還價積極更加不願輕率賣樓，結果是扭曲的樓市更加變得無常態可言。
僅針對香港人的重稅，只是強制壓止那份剛性需求，根本不能解決樓市變態的問題。
記者：伍志輝
財經評論 舊文
來源 source: http://hk.apple.nextmedia.com