金手指：看誰出招踩冧樓價
■聯儲局就來大換班，擺到明要隊資產價格。 資料圖片
1998年立法會選舉喺某港島選區論壇上，主持人問：「大家如果要講董建華一樣德政，會係乜？」當時，候選人之一嘅何秀蘭就真心話：「隊冧咗樓價！」
繼上周美銀，周末大摩又出報告話聯儲局收緊幅度同速度，將會緊同快過
大家預期。因特朗普當選，反映民意對零息政策引發嘅財富不均極度不滿。而比你想像中留意民意嘅聯儲局官僚，知道低息幫唔到窮人，唯一可將貧富差距拉窄嘅方法，就隱藏令有錢人窮啲。
種種跡象，令孫柏文覺得，聯儲局直情係想引發資產價格大幅下滑，唯一底線，就係大行唔執、冇影響國際銀行系統穩健就得。因聯儲局就來大換班，橫掂都可以賴落特朗普，大家咁唔鍾意高樓價，就隊落來睇嚇大家點。問題係，大銀行唔執得，唔等於細銀行或其他區域唔會出事。呢排國內資金又喺香港亂衝，令個別股份冇理由咁大升，又之後無啦啦咁跌。𠵱家又話要炒高滙控（005），真係你買的話，有心理準備冒騎虎之險。
點都好，投資明言係Never fight the Fed，即千祈唔好同央行對著幹。聯儲局擺到明要隊資產價格，一係平民怨，一係畀次教訓啲選特朗普嘅人，你夠膽出來行，就預咗要還。
唔知喺2020年嘅立法會選舉，會唔會有人話：「林鄭嘅德政，我首推隊冧樓價！」亦更唔知會唔會有今日乳臭未乾嘅𡃁仔，喺2039年記起19年前有候選人講過嗰番話。
孫柏文
獨立股評人
http://www.fb.com/shuen
本欄逢周二刊出
孫柏文
金手指 - 孫柏文 舊文
來源 source: http://hk.apple.nextmedia.com