【不問價追】舉高隻手又使乜怕醜（小炒王梁心欣）（第133期）
2017-7-13 20:30:47
今次真係「如意算盤」打唔響了！原先在六月下旬預計，七月份會係理所當然嘅調整期，自然將手上嘅Full倉減持，變成三七之比，3分持貨、7分現金，手上主打核心持有：建滔化工（00148
.HK）、新晨動力（01148.HK）、理文造紙（02314.HK）。結果，三隻持股都非與指數關鏈系數太高，打算「股強過市」，揸得安心又放心，點知……七月中都未到，大市已經向上突破，升穿26090點嘅年內高位，結果係迫在眉睫的情況下，係星期三追入最有勢的中資金融股。
今次爆成咁，成個時間表都要重新編排，所以話「市場先生」經常同我地開玩笑，最緊要及時糾正。可幸是小炒王九成時間做好，得一成時間做淡，即使見大市進入調整，都只是「現金為王」，沒有開淡倉，否則今次真係俾人挾到傻。又一次證明，自己非造淡高手，都係用現金來「買保險」最著數。
講返買咩股先係重點。大市爆上先由騰訊（00700.HK）帶動，繼而匯豐（00005.HK），撇除中移動（00941.HK），呢一浪應該由中資金融股領航。四大行的市盈率及市帳率低，加上呢期最紅的大摩，摩根士丹利都相中內銀股，小炒王都不敢怠慢，先後追入建行（00939.HK）以及工行（01398.HK）。由於內銀股低殘咗一段時間，建議買入嘅注碼可以增大或配合衍生工具進場，以「10年唔逢一潤」嘅心態跟勢進場，可能會有驚喜。另輔助買入中資券商股：中信證券（06030.HK）以及中國銀河（06881.HK）博A股爆上，呢套組合將會係七月中、下旬應有嘅股份。仲可以望下國泰君安（02611.HK）幅圖，上市靜咗一排，之後一直係高位徘徊，足以印證呢堆券商股都太落後了，值得追捧。
另外提提大家，每日大約三點鐘都要去下「東方財富網」嘅滬港通專頁，睇睇北水流入流出嘅狀況，從而推敲下隻北水瞄準的股分，千祈咪偷懶呀。
不問價追 - 小炒王梁心欣 舊文
來源 source: http://www.winmoney.hk