財路：津創食正國策可吼
■津創食住環保國策，斷萬億元計投資額，煲得過。 互聯網圖片
天津創業環保（1065）走出去策略，食住環保國策下，斷萬億元計投資額，有排肥仔水，PB、PE又平行家一截，煲得過。
津創主打天津市水務瓣數，由水務供應、汙水處理同再生水，都一應俱全。又除咗本市，津創喺上年中
標安徽界首、湖南寧鄉同新疆克拉瑪依汙水處理項目，再喺今年，中標甘肅省臨夏市，同巴彥淖爾市汙水處理項目，後邊巴彥淖爾市標價，係講緊7.7億元（人仔，下同）。
再睇大環境，據內地相關官員計，喺《水十條》下，依據投資單價同工程任務量初步估計，預計完成水十條全社會投資，大概4.6萬億元。睇到亦諗到，津創唔單只天津，呢兩年走出去搵財路，亦配合到水務國策下龐大商機，津創和味龍。津創繼上年盈利增長33%，到4.4億元，今年第一季，集團純利亦增長24%，到1.2億元，keep住靚仔增長。
場內專業評估，津創今年預測EPS0.41港元，預測PE得12.3倍，津創A股（滬600874）現價約20.1港元，香港H股5.17港元，比A股折讓75%，當H股唔鬱，A股急跌50%，H股比A股仲講緊大折讓50%，H股折讓勁離譜之餘，A股今年預測PE，講緊57倍！
同樣喺內地上市水務股，碧水源（深300070）今年預測PE20.8倍、渤海股份（深000605）41倍、永清環保（深300187）31倍，津創預測PE平咗大大截！津創今、明兩年預估PB1.2倍同1倍多少少，上邊創業環保，今年預估PB4.8倍、永清環保4倍、碧水源2.95倍，又係津創至平！
煲津創，只係翻半番到7.5港元，今年預估PB得1.8倍，就算比起最近磅嘅碧水源，津創目標價PB仍然大折讓近40%！
錢雋
細價股專家
本欄逢周二刊出
錢雋
財路 - 錢雋 舊文
來源 source: http://hk.apple.nextmedia.com